Հաց բերողի մոտ սրտի կանգ է գրանցվել․ Սյուզան Սիմոնյանը մանրամասներ ներկայացրեց

Հիմնադիր խորհրդարանի անդամ Սյուզան Սիմոնյանը Hayeli.am-ի հետ զրույցում ասաց, որ Արթուր Սարգսյանի՝ հաց բերողի մոտ սրտի կանգ է գրանցվել։ Սիմոնյանն այս պահին Հանրապետական հիվանդանոցում է․ «Գիշերը, երբ վիրահատեցին, զոնդը չհանեցին, ասացին, որ մի հինգ օր պետք է արհեստական շնչառության տակ լինի։ Ասացին, որ օրգանիզմից է կախված ամեն ինչ, վիճակը ծանր ու կայուն է։ Դեղեր էին հարկավոր, ես դրանց գտնելով էի զբաղված, ճանապարհին զանգեցին, ասացին որ շատ ծանր է վիճակը, կանչեցին ներս ու ասացին, որ սրտի աշխատանքը կանգ է առել, թոքի հետ խնդիր է առաջացել»,-ասաց նա։ Հետաքրքրվեցինք՝ Սարգսյանը վիրահատությունից հետո գիտակցության եկե՞լ էր, Սիմոնյանը պատասխանեց․ «Վիրահատությունից հետո գիտակցության չի եկել, երբ վիրահատարանից վերակենդանացման բաժանումնք էին իրեն տեղափոխում, լիֆտի մոտ տեսա, քնած էր, բայց գույնը տեղն էր եկել»։ Սյուզան Սիմոնյանի խոսքով՝ հաց բերողի հայրը արդնե գիտի դեպքի մասին, այժմ սպասում են մորը, իսկ հիվանդանոցը բավականին մարդաշատ է։ Սեդա Ղուկասյան