«Մեր թագավոր, Ծառուկյան ջան». Գյումրեցի կանայք
Գյումրիում «Ծառուկյան» դաշինքի քարոզարշավի ժամանակ դաշինքի ցուցակը գլխավորող Գագիկ Ծառուկյանը հայտարարեց.«Հարգելի, սիրելի գյումրեցիներ, ձեր ցավը տանեմ, ի սրտե ողջունում եմ բոլորիդ, դուք գիտեք, որ ես Գյումրին սիրում եմ, գյումրեցիներին հարգում եմ, միշտ կապված եմ եղել Գյումրիի հետ»: Ծառուկյանը նշեց, որ ինքը ցանկություն ունի փոփոխություններ անելու: Կանանցից մի քանիսը սկսեցին բղավել՝ «մեր թագավոր, Ծառուկյան ջան»: «Ես ձեր ցավը տանեմ, ինչքան որ հավատում, սիրում եք, իմացեք, որ հնարավորության դեպքում՝ եռապատկվելու ա, քառապատկվելու ա, որովհետև ձևն էլ գիտենք, կազմակերպելն էլ գիտենք, խնդիրներն էլ գիտենք: Ես պատրաստված չեմ եկել՝ գեղեցիկ խոսքեր ասեմ, ճառեր ասեմ, ես ձեր կարգավիճակի մեջ մտնում եմ, միայն ու միայն հնարավորություն տվեք: Ասում են՝ պայմանավորված է, կոալիցիա է մտնելու, ժողովուրդ ջան, ես իմ պատիվը չեմ վաճառում»,-ասաց Ծառուկյանը:
Հետևեք մեզ Viber-ում
