Արմեն Ամիրյանը` Ջրառատում տեղի ունեցած բախումների մասին
«Ցանկացած կուսակցություն հասարակության հայելին է, ցանկացած կուսակցության մեջ կան մարդիկ, որոնք կարող են նման միջադեպեր ստեղծել: Դատապարտում եմ՝ անկախ կուսակցական պատկանելությունից»,- այսօր Կառավարության նիստից հետո լրագրողների հետ զրույցում հայտարարեց ՀՀ մշակույթի նախարար, ՀՀԿ ցուցակի 5-րդ հորիզոնականը զբաղեցնող Արմեն Ամիրյանը՝ խոսելով Ջրառատում տեղի ունեցած բախումների մասին։ «Կարծում եմ, որ նման մարդիկ պարտադիր պետք է օրենքի առաջ պատասխան տան»,-ասաց նա: Ինչ վերաբերում է դիտարկմանը, թե իրենց կուսակիցների կողմից են նման բախումներ լինում, նա ասաց՝ ոչ միայն: Արմեն Ամիրյանը նշեց, որ ՀՀԿ-ի շանսերը շատ բարձր է գնահատում, քանի որ իրենց ծրագրերը շատ իրատեսական են: «Դուք անընդհատ մղում եք քարոզչության, այս ժամը հարմար չէ քարոզչության համար: Այս ժամին քարոզչությամբ չի կարելի զբաղվել»,-ասաց նա և կոչ արեց գնալ իրենց քարոզարշավին
Հետևեք մեզ Viber-ում
