Մոսկվայի խոշոր հյուրանոցներից մեկը դադարեցրել է աշխատանքը

Մոսկվայի Swissotel հյուրանոցը դադարեցրել է իր աշխատանքը հակաթուրքական պատժամիջոցների պատճառով, Интерфакс-ին հաստատել են հյուրանոցում: Ընկերության պաշտոնական կայքում ամրագրել համար մոսկովյան հյուրանոցում հնարավոր չէ: Swissotel Hotels & Resorts հյուրանոցի` Եվրոպայում հասարակայնության հետ կապերի հարցով տնօրեն Եվա Մարիա Պանցերը նշել է, որ այս պահին ընկերությունը չի կարող ոչ մի մեկնաբանություն տալ մոսկովյան հյուրանոցի գործունեության դադարեցման վերաբերյալ: Ավելի վաղ ԶԼՄ-ներում հայտնվել էր տեղեկություն այն մասին, որ հյուրանոցը դադարեցրել է համարների ամրագրումը և վաճառքը դեկտեմբերի 30-ից` կառավարության որոշմանը համաձայն, որը, մասնավորապես, արգելել է այն հյուրանոցների գործունեությունը, որոնք գտնվում են Թուրքիայի կամ թուրք քաղաքացիների հսկողության ներքո: Լրատվամիջոցների տեղեկություններով` շվեյցարական ընկերության կողմից ղեկավարվող հյուրանոցի շենքը պատկանում է թուրքական Enka ընկերությանը: