Պենտագոնի հայտարարությունը «անհեթեթություն» է. ՌԴ ՊՆ
Պենտագոնի հայտարարությունը 2 հոսպիտալի ոչնչացման մասին «անհեթեթություն» է: Այս մասին, ինչպես հայտնում է BBC-ի ռուսական ծառայությունը, հայտարարել է ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը՝ նշելով, որ ռուսական ավիացիան նախօրեին չի ռմբակոծել Սիրիայի Հալեպ քաղաքի օբյեկտները: «Ո´չ ժամանակ, ո´չ այդ հոսպիտալների կոորդինատները, ո´չ այդ տեղեկատվության աղբյուրը: Ռուսական ինքնաթիռները երեկ չեն գործել Հալեպ քաղաքի շրջանում: Մոտակա թիրախը եղել է քաղաքից ավելի քան 20 կմ-ի վրա»,- Կոնաշենկովի խոսքերը մեջբերել է TASS-ը: Ավելի վաղ Պենտագոնի ներկայացուցիչ Սթիվեն Ուորենը հայտարարել է, որ Հալեպում երկու հոսպիտալ է ոչնչացվել ռուսական ուժերի ու Բաշար Ասադի կառավարական զորքերի առաջխաղացման հետևանքով: Դրա հետևանքով մոտ 50 հազար սիրիացի «զրկվել է կենսականորեն անհրաժեշտ ծառայություններից»:
Հետևեք մեզ Viber-ում
