«Եթե նախարարը Աշոտյանը լիներ,ես թոռնիկիս դպրոցից կհանեի, ավելի լավ է անգրագետ մնար». Սասուն Միքայելյան
Այսօր Հայելի ակումբում լրագրողների խնդրանքով «Ելք» դաշինքից թիվ 10 ընտրատարածքում առաջադրված Սասուն Միքայելյանն անդրադառնալով Արմեն Աշոտյան- Նիկոլ Փաշինյան բանավեճի հավանականությանը. «Փաշինյանը միշտ էլ պատրաստ է, Աշոտյանի խնդիրն է»։ Նա հիշեցրեց նաեւ Ծառուկյանի վերաբերյալ Ա. Աշոտյանի ելույթը և ասաց. «Ես թոռնիկ ունեմ, անունն էլ Կոմիտաս է, եթե իմ թոռնիկը այդ ժամանակ գնար դպրոց եւ կրթության եւ գիտության նախարարը նա լիներ՝ ես թոռնիկիս դպրոցից կհանեի, ավելի լավ է անգրագետ մնար»: Հարցին, թե ինչպե՞ս է գնահատում իր շանսերը Կոտայքի մարզում, պատասխանեց. «Իմ բոլոր անցած ուղիները դժվար են եղել ու ես հաղթահարել եմ։ Իմ սպասելիքն իմ ժողովուրդն է։ Ես կոչ եմ անում ժողովրդին եւ հատկապես Հրազդանում, թույլ չտաք, որ մարդիկ ձեր ինքնասիրությանը կպնեն: Դուք ապրանք չեք, որ գան ձեզ գնեն: Թող նրանք նորմալ պետություն կառուցեին, նման սոցիալական վիճակի չարժանանար ժողովուրդը»:
Հետևեք մեզ Viber-ում
