Ազատ,դեմոկրատների «Ֆիշկան». որտեղ են նրանք կաղում

Ընթացիկ քարոզարշավում խոստումնառատ ծրագրերի իմաստով ոչ ոք մյուսին զիջել չի ցանկանում: Ի տարբերություն մնացյալ բոլոր ուժերի, «Ազատ դեմոկրատներ» կուսակցությունը կաղում է թոշակների, նպաստների տասնապատիկ, հազարապատիկ բարձրացման ու այլ ամբոխահաճո խոստումներիից, կուսակցության նախընտրական <<ֆիշկան>> արեւմտյան արժեհամակարգն է ու վստահեցումների մեջ առաջնային տեղ են զբաղեցնում արեւմտյան արժեքներին անցնելու , ԵՏՄ-ից հրաժարվելու, ԵՄ-ին անդամագրվելու խոստումները: Հայաստանում հանրային լայն շրջանակներում օբյեկտիվորեն հակառուսական տրամադրություններ առաջ եկան կամ առավել սրվեցին ապրիլյան պատերզամից հետո, երբ քննարկումների կիզակետում հայտնվեց ռուս-ադրբեջանական փոխպայմանավորվածության ու փոխգործակցության հավանական վարկածը, դրան գումարած Ռուսաստանի ոչ բարեկամական պահվածքը զենքի վաճառքի հետ կապված ցինիկ խոստովանություններն ու հայտարարությունները: Այդուհանդերձ, տրամադրությունները թեեւ շարունակվում են, բայց այնքան դոմինանտ չեն, որոնց վրա կարելի է հենվել: Վերջին հաշվով, նույնիսկ Ռուսաստանի դեմ վերաբերմունք ունենալով հանդերձ ՀՀ քաղաքացիների զգալի մասը որոշակի կապվածություն ունի այդ երկրի հետ, այսօր կարելի է, որ ամեն երկրորդ ընտանիքի անդամներից մեկը արտագնա աշխատանքի է մեկնել հենց ռուսաստան ու այդ երկրից հասնող տրանսվերտների միջոցով է նաեւ այդ ստվար զանգվածի գոյեատեւման հարցը լուծվում: Կա նաեւ որոշակի խավ, որ դժգոհությամբ հանդերձ անփոխարինելի ու ստրատեգիական նշանակություն է տալիս Ռուսաստանի հետ ռազմավարությանը, Գյումրիի ռազմաբազայի գոյությանը եւ այլն: Հետեւաբար քարոզարշավի ընթացքում շեշտադրել այդ հանգամանքը՝ անտեսելով մի շարք կարեւարոգույն արգումենտներ, առնվազն անհեռատեսություն է: Եւ այն էլ 5 տարեկան կուսակցության համար, որը հայաստանյան իրականության մեջ դեռ էլի ճանապարհ պետք է անցնի՝ իր խոսքն անվերապահորեն հրամցնելու համար: Կուսակցությունը ճանաչված լինելու խնդիր ունի, իսկ ընտրարաշավի համար նախատեսված 25 օրը բավարար չէ, որ կարողանա քաղաքական դաշտում հստակ դիրք դնել և դիրքորոշումը ներկայացնել։ Փոխարենը ԱԴ-ն կարող է քարոզարշավի ընթացքում մի քանի առավել կենսունակ ու արդյունավետ ֆիշկա օգտագործել՝ ի դեմս առաջին քառյակի՝ Խաչատուր Քոքոբելյան, նախկին վարչապետ Հրանտ Բագրատյան, Ստյոպա Սաֆարյան եւ Անահիտ Բախշյան, այս անհատականությունների վրա հիմնված քարոզարշավ կառուցել: Օրինակ, արեւմտյան արժեքային քարոզչության հարցը թողնել բացառապես Քոքոբելյան-Սաֆարյան զույգի վրա, որոնք ամբողջովին այդ ամպլուայի մեջ են իրենց դավանած գաղափարներով, արժեհամակարգով, եւ անկասկած պատվով կհաղթահարեն դժվարին փորձությունը: Բայց դրանով հանդերձ զգալի էլեկտորատ կարելի է շահել Հրանտ Բագրատյանի տնտեսական քաղաքականության վերաբերյալ քարոզչության միջոցով: Ճիշտ է որպես նախկին վարչապետ Բբագրատյանի հարցում ընկալումները միանշանակ չեն, սակայն անկասկած ու անուրանալի է նրա կատարած ռեֆորմներն ու աշխատանքները, եւ ի վերջո, անցած գումարման ԱԺ-ում եւ ոչ միայն, Հայաստանի տնտեսագիտական շրջանակներում Բբագրատյանը եզակի պատրաստված անձանցից է, որը փայլուն ու ճշգրտորեն տիրապետում է ոլորտային ցանկացած հարցի, իսկ ԱԺ-ում իշխանության տնտեսական նախագծերի հիմնահատակ քարուքանդ անողն էր: Նույնը կարող է անել մրցակիցների ծրագրերի եւ անձամբ իր ծրագրի համեմատության ժամանակ: Դե, իսկ Անահիտ Բախշյանի ֆենոմենը քննարկելու ենթակա էլ չէ: Անկախ ամեն ինչից Բախշյանն ու Ստյոպա Սաֆարյանը դեռեւս չեն ազատվել Ժառանգության գերբից, իսկ դա նշանակում է՝ որտեղ կա թեկուզ մեկ քաղաքացու խնդիր, ապա այնտեղ են նաեւ իրենք: Վաստակաշատ տնօրենի պաշտոնը թողած տիկին Բախշյանը նետվեց քաղաքական հորձանուտներ ու տարիների ընթացքում հասցրեց վեր կանգնել քաղաքական գործչի նեղ կարգավիճակից։ Նա ոչ միայն բարեխղճորեն կատարել է իր առջեւ դրված մասնագիտական խնդիրները, այլ դարձել «շտապօգնություն»՝ կանգնելով յուրաքանչյուր քաղաքացու կողքին, ով օգնության կարիք է զգացել, ով խնդիր է ունեցել պետական, մասնավոր եւ նույնիսկ անձնական տիրույթում։ Հազարավոր անգամներ իր մաշկի վրա զգացել է այս իշխանությունների բիրտ հարվածները, պայքարել իր, ամենքիս ու օրինավոր Հայաստանի համար։Իր համառությամբ մնացել շատերի կոկորդում, բայց երբեք չի նահանջել, չի ընկրկել ու շարունակել է տեղ հասցնել սկսած գործը։ Հիմա այս Բախշյանին է պետք առաջին պլան մղել, որը վեր է ցանկացած արեւմտամետ եւ ուրիշ այլ արժեքներից,քանզի նա մարդ տեսակի բարձրագույն կատարելատիպն է: Անի Սահակյան