«Հայաստանը կարող է հայտնվել ԻՊ գործողությունների կիզակետում».Լուկյանով

«Վալդայ» բանավեճի միջազգային ակումբի գիտական տնօրեն, «Ռուսաստանը գլոբալ քաղաքականությունում» ամսագրի գլխավոր խմբագիր, քաղաքական վերլուծաբան Ֆյոդոր Լուկյանովը լրագրողների հետ հանդիպմանը ասել է,որ «Իսլամական պետություն» ահաբեկչական խմբավորումը որպես տարածքային միավորում ոչնչացնելուն պես, այն, որպես էքստրեմիստական հոսք, կուղղվի դեպի եվրասիական  տարածք, և Հայաստանը կհայտնվի  իրադարձությունների կիզակետում։ «Սցենարի նմանատիպ զարգացման դեպքում հայ-ռուսական հարաբերությունները ավելի կկարևորվեն, քանի որ Հայաստանը կդիտարկվի ոչ թե որպես  ծայրամասային, այլ «կենտրոնական» պետություն։Մոսկվայում դա դեռ չեն գիտակցում, բայց Հայասատանը Սիրիային, Իրաքին, Իրանին և հատկապես Թուրքիային, որտեղ տեղի են ունենում ամենակարևոր իրադարձությունները, շատ մոտ է»,- շեշտեց Ֆ. Լուկյանովը։ Նոր Եվրասիան չի կարող կառուցվել առանց հաշվի առնելու դեպի արևմուտք ուղղված՝ Չինաստանի աշխարհաքաղաքական վեկտորը, և այս առումով Ռուսաստանը և իր ԵԱՏՄ-ի գործընկերները պետք է հստակ ձևակերպեն սեփական ցանկությունները,ասել է նա: Այս առումով հայ-ռուսական հարաբերությունները այլ երանգ կստանան։