«Զորակոչի առումով հեղափոխություն եմ արել».Սեյրան Օհանյան
« Վերջին 5 տարվա ընթացքում չի եղել Պաշտպանության որեւիցե մի նախարար, որի գործունեության ընթացքում այդ վզինված ուժերում հասարակական եւ քաղաքացիական-ժողովրդավարական վերահսկողություն օրգանները այդքան շատ գործունեություն իրականացրած լինեն:Նրանք կողքից շատ դեպքերում օգնել են բանակի ղեկավարությանը՝ բացահայտել եւ բացահայտված այդ գործերի վերաբերյալ համապատասխան որոշումներ ընդունել, քրեական գործեր հարուցել: Գոյություն ունի նաեւ Պաշտպանության նախարարի անձնական վերահսկողական օրգանները: Որեւիցե մի նախարարի ժամանակ, հարգանք տածելով բոլորի նկատմամբ, այդքան բացահայտումներ չեն եղել իմ ենթակա այդ կառույցներում, որքան իմ ժամանակ: Այդ բացահայտումներից ես համապատասխան որոշումներ եմ ընդունել»,- Ավան վարչական շրջանում քարոզարշավից հետո լրագրողների հետ ճեպազրույցում ասել է Պաշտպանության նախկին նախարար, «Օհանյան-Րաֆֆի-Օսկանյան» դաշինքի անդամ Սեյրան Օհանյանը: « Ես համապատասխան աշխատանքներ եմ տարել կոռուպցիոն ռիսկերի բացահայտման առումով՝ կադրային քաղաքականություն, սոցիալական խնդիրներ, բնակարանների հատկացումներ, նաեւ՝ զոհված, հաշմանդամ դարձած զինվորների բնակարանային պայմանների բարելավման համար դրամական փոխհատուցումները: Զորակոչի առումով իմ ժամանակ հեղափոխություն է եղել՝ նախկին տարիներով եկած՝ մինչեւ ինձ եկած կոռուպցիոն ռիսկերը գրեթե հավասարվել է մինիմումի և այսօր զինակոչն իրականացնում ենք վիճակագրությամբ»,հավելել է նա:
Հետևեք մեզ Viber-ում
