«Թուրքիան շատ ճկուն կերպով խաղում է ՌԴ-ի եւ ԱՄՆ-ի թելերի վրա». Արման Նավասարդյան
Հայելի ակումբում լրագրողների հետ հանդիպմանն արտակարգ եւ լիազոր դեսպան Արման Նավասարդյանը ասաց, որ շատ հետաքրքիր է, թե ԱՄՆ նախագահ Դոնալդ Թրամփի ընտրվելուց հետո ինչպես կզարգանան ՌԴ-ի եւ Թուրքիայի հարաբերությունները։ «Թուրքիան շատ ճկուն կերպով խաղում է ՌԴ-ի եւ ԱՄՆ-ի թելերի վրա։ Թե դա ինչով կավարտվի՝ դժվարանում եմ ասել։ Բայց ամբողջ 500 տարվա պատմության ընթացքում առաջին անգամ երկու պետությունների աշխարհաքաղաքական հետաքրքրությունները հետին պլան են մղվում Իսրայել- Իրան համագործակցության դեմ-հանդիման»,- ասաց դեսպանը։ Արման Նավասարդյանը նկատեց, որ մեր քաղաքագետները բացասաբար են վերաբերվում Ռուսաստանի եւ Թուրքիայի մերձեցմանը. «Տարբեր քաղաքագետներ ասում են, որ Ռուսաստանի եւ Թուրքիայի մերձեցումը կվնասի Հայաստանին՝ դե իհարկե հաշվի առնելով պատմության մութ էջերը: Ես համաձայն չեմ, որովհետեւ կարծում եմ Ռուսաստանի ու Թուրքիայի հարաբերությունների բարելավման արդյունքում Հայաստանը չի տուժի :Նրանց մերձեցումը ու ճիշտ ստրատեգիան, հակառակը, կբարելավի մեր երկրի անվտանգությունը»:
Հետևեք մեզ Viber-ում
