«Ազատ դեմոկրատները» բուկլետներ բաժանեց նաեւ «Ծառուկյան» դաշինքի եւ «Հայկական վերածնունդ» կուսակցության շտաբներում/տեսանյութ/

«Ազատ դեմոկրատներ» կուսակցության ներկայացոցիչները մարտի 10-ին մայրաքաղաքի թիվ 1 ընտրական տարածքում (ընդգրկում է Նոր Նորք, Ավան եւ Քանաքեռ-Զեյթուն շրջանները) անցկացրին նախընտրական քարոզչական քայլարշավ: NEWS.am-ի թղթակիցը հայտնում է, որ նախընտրական քայլարշավի մասնակիցները՝ Ստեփան Սաֆարյանի գլխավորությամբ, անցել են Կարապետ Ուլնեցի փողոցով՝ բաժանելով «Ազատ դեմոկրատներ» կուսակցության բուկլետները: Կուսակցության շտաբի կողքին են գտնվում նաեւ «Ծառուկյան» դաշինքի եւ «Հայկական վերածնունդ» կուսակցության շտաբները: Ստեփան Սաֆարյանը բուկլետները եւ «Ազատ դմոկրատների» ծրագիրը փոխանցեց նաեւ նշված ուժերի ներկայացուցիչներին: «Հայկական վերածնունդ» կուսակցության վարչության փոխնախագահ Մհեր Շահգելդյանը բուկլետներն ուրախությամբ վերցրեց եւ առաջարկեց ի պատասխան ծանոթանալ իր կուսակցության նախընտրական ծրագրին: