ՌԴ-ի ու Թուրքիայի հարաբերությունների բարելավման արդյունքում Հայաստանը չի տուժի.Արման Նավասարդյան

«Տարբեր քաղաքագետներ ասում են, որ Ռուսաստանի եւ Թուրքիայի  մերձեցումը կվնասի Հայաստանին՝ դե իհարկե հաշվի առնելով պատմության մութ էջերը: Ես համաձայն չեմ, որովհետեւ կարծում եմ Ռուսաստանի ու Թուրքիայի հարաբերությունների բարելավման արդյունքում Հայաստանը չի տուժի :Նրանց մերձեցումը ու ճիշտ ստրատեգիան, հակառակը, կբարելավի մեր երկրի անվտանգությունը»,-Հայելի ակումբում լրագրողների հետ հանդիպմանը ասաց արտակարգ եւ լիազոր դեսպան Արման Նավասարդյանը: Անդրադառնալով Հայաստանի արտաքին քաղաքականությանը՝ պարոն Նավասարդյանն ուրախությամբ նշեց, որ  դրական տեղաշարժեր կան. «Ես միշտ հանդես եմ գալիս քննադատողի դիրքերից, բայց չեմ կարող չասել, որ վերջին շրջանում արտաքին քաղաքականության ճակատում տեղի ունեցող գործողությունները ողջունելի են»: