Ձեր մրցակիցը ամբողջ ժողովուրդն է. Արմեն Մարտիրոսյանը՝ ՀՀԿ-ին

Հրազդանում «Օհանյան-Րաֆֆի-Օսկանյան» դաշինքի հանրահավաքի ժամանակ դաշինքի պատգամավորության թեկնածու Արմեն Մարտիրոսյանը հայտարարեց, թե Հրազդանը պետք է կրկին դառնա գիտաարտադրական կենտրոն: «Աստծո կողմից տրված ընտրելու իրավունքը չպետք է թույլ տանք, որ որևէ մեկը սեփականաշնորհի»,- հայտարարեց նա: Նա նշեց, որ փոխարենն այնպես անեին, որ դեպի Հայաստան ներգաղթ լիներ, իշխանություններն արեցին ամեն ինչ, որ լինի մշտական արտագաղթ և դրա ծավալներն էլ ավելանան: «Եվ այսօր ՀՀԿ ցուցակի առաջին համարը՝ Վիգեն Սարգսյանը, ասում է՝ Հանրապետականը մրցակից չունի: Այո, քաղաքական ուժերի մեջ դուք մրցակից չունեք, ձեր մրցակիցը ամբողջ ժողովուրդն է»,- ասաց Արմեն Մարտիրոսյանը: Այնուհետև հայտարարեց, որ աշխարհում քիչ կան, որ մեկ պաշտպանության և երկու նախկին արտգործնախարարներ միավորվեն, և որ իրենք առաջին հերթին՝ ազատելու են քաղբանտարկյալներին: