Նախընտրական շրջանում բժիշկները գործուղվում են մարզեր
«Փաստ» թերթը գրում է. «Այս օրերին՝ նախընտրական քարոզարշավի մեկնարկի ամենաթեժ պահին, «Փաստին» հասած տեղեկություններով, հանրապետության հիվանդանոցների բժիշկները գործուղվում են մարզեր՝ մարզերի բնակչությանն անվճար բուժօգնություն տրամադրելու նպատակով։ Թերևս, դա արվում է իշխանության ուշադրությունը ժողովրդի հանդեպ ի ցույց դնելու նպատակով։ Առողջապահության նախարարությունից վստահեցրի, որ բժիշկների այցերը մարզեր կապ չունեն իշխող ՀՀԿ-ի նախընտրական քարոզարշավի հետ։ «Զուգադիպել է քարոզարշավի ընթացքի հետ։ Պատճառն այն է, որ նոյեմբերից որոշված էր, որ պետք է գնան, բայց ցրտաշունչ ձմեռ եղավ, ճանապարհների, տարածքի տարբեր խնդիրներ ունեինք, ստիպված փետրվարի 23-ից ենք սկսել։ Սա առաջին անգամ չէ, բազմաթիվ անգամներ և առանձին մասնագիտական խմբերով ենք գնացել և եղել են նեղ մասնագիտական խմբեր։ Որևէ կուսակցության հետ կապ չունենք»,- «Փաստի» հետ զրույցում վստահեցրել է Առողջապահության նախարարության բժշկական օգնության քաղաքականության վարչության պետ Ծաղիկ Վարդանյանը»: Ավելի մանրամասն՝ թերթի այսօրվա համարում:
Հետևեք մեզ Viber-ում
