Լապշինի արտահանձման գործով դիմել են Բենյամին Նեթանյահուին

Վարչապետ և Արտաքին Գործերի նախարար Բենյամին Նեթանյահուին Երուսաղեմ, Իսրայել Ձերդ գերազանցություն, 2016 թ. դեկտեմբերին Իսրայելի քաղաքացի պարոն Ալեքսանդր Լապշինը ձերբակալվել է Բելառուսում: Նա ձերբակալվել է Ադրբեջանի կողմից Ինտերպոլին տրված ձերբակալման օրդերի հիման վրա: Ադրբեջանի կողմից Ալեքսանդր Լապշինի նկատմամբ քրեական հետապնդումը սկսվել է այն բանից հետո, երբ նա այցելել է Լեռնային Ղարաբաղ, ռուսական և արտասահմանյան ԶԼՄ-ներում հրապարակված իր բլոգներում պաշտպանել է Լեռնային Ղարաբաղի դիրքորոշումը Ադրբեջանի հետ հակամարտությունում: Ալեքսանդր Լապշինի ձերբակալությունը կրում է զուտ քաղաքական բնույթ և Ինտերպոլի կանոնադրության համաձայն նա չպետք է պատասխանատվության ենթարկվի Ինտերպոլի միջոցով: Ադրբեջանում Ալեքսանդր Լապշինը դատապարտվել է ութ տարվա ազատազրկման և գտնվում է բանտում: Ի պատասխան ԶԼՄ-ների քննադատություններին՝ ադրբեջանական իշխանությունները ազատելու համար Ալեքսանդր Լապշինին առաջարկել են ընդունել իր մեղքը և ներողություն խնդրել Ադրբեջանից: Ես՝ ներքոստորագրյալ Ֆրանտիշեկ Միկլոշկոս, նույնպես Ադրբեջանում ենթարկվել եմ քրեական պատասխանատվության 2010 թ. միջազգային դիտորդական առաքելությամբ Լեռնային Ղարաբաղում անցկացված պառլամենտական ընտրություններին մասնակցության համար, և հնարավոր է մեղադրանքները մինչ այժմ շարունակվում են: Իմ ձերբակալման օրդերը նույնպես տրված էր Ինտերպոլի կողմից: Բայց և Սլովակիայի հանրապետության, և Հայաստանի հանրապետության բողոքի հիման վրա Ինտերպոլը հեռացրել էր իմ անունը հետախուզվող անձանց ցուցակից, քանի որ ընդունել էր, որ իմ մեղադրանքը կրում էր զուտ քաղաքական բնույթ: Բարեբախտաբար ես Ինտերպոլի ցուցակում գտնվելու ժամանակ չեմ գնացել Ադրբեջանի հետ նման հարցերում համագործակցող երկիր: Ձերդ գերազանցություն, մենք դիմում ենք Ձեզ, որպեսզի Իսրայելը ձեռնարկի բոլոր հնարավոր քայլերը՝ Ալեքսանդր Լապշինին ազատ արձակելու նպատակով: Նրա այցը Ղարաբաղ եղել է այց մարդկանց, որոնք հերոսաբար պաշտպանել են իրենց նախնիների հողը, և նրա բլոգները հարգանք են եղել այդ մարդկանց հանդեպ: Նրա ձերբակալությունն ու դատապարտումը հակասում է Իրավունքների և Ազատությունների վերաբերյալ Գլխավոր Խարտիային: Ադրբեջանը, որպես Միավորված Ազգերի Կազմակերպության անդամ երկիր, նույնպես պարտավորվել է պահպանել Կանոնադրությունը: Ալեքսանդր Լապշինի ազատումը չի կարող պայմանավորվել նրանով, որ նա իրեն մեղավոր է ճանաչել հանցագործություններում, որոնք ինքը չի կատարել: Մենք մեր բարոյական պարտքն ենք համարում բարձրաձայնելու Ալեքսանդր Լապշինի ազատության համար: 06 մարտ 2017 Բրատիսլավա Ֆրանտիշեկ Միկլոշկո Սլովակիայի պառլամենտի պատգամավոր 1990 – 2010 Սլովակիայի պառլամենտի Նախագահ 1990 – 1992 Յան Չառնոգուրսկի Սլովակիայի հանրապետության Վարչապետ 1991 – 1992 Վլադիմիր Պալկո Սլովակիայի հանրապետության ՆԳ նախարար 2002 – 2006 Աշոտ Գրիգորյան Եվրոպայի Հայկական Միությունների Ֆորումի նախագահ Ռադովան Պավլիկ թղթակից, SITA գործակալություն