Մոսկվայի ազդեցության արդյունքում Հայաստանը դարձել է մեկուսացված երկիր. «Ամերիկայի Ձայն» /տեսանյութ/

Եվրամիությունն ու Հայաստանը նոր պայմանագրի միջոցով ցանկանում են պահպանել համագործակցության գոնե նվազագույն աստիճանը, նշում են ԱՄՆ-ի փորձագետները: Արտաքին քաղաքականության խորհրդի վերլուծաբան Ուեյն Մերրին նշում է՝ նոր փաստաթուղթն անհամեմատ նեղ է, քան երեք տարի առաջ նախապատրաստվող պայմանագիրը. «Լավ նորությունն այն է, որ Բրյուսելում Հայաստանի նկատմամբ հույսը վերջնականապես չեն կորցրել, ու ոչ մի դեպքում չպետք է կորցնեն»: Քարնեգիի հաստատության վերլուծաբան Թոմ Դե Վաալի կարծիքով, նոր փաստաթղթից որեւէ տնտեսական շահեր ակնկալել չարժե. «Սա իրականում քաղաքական համաձայնագիր է, որը հեռավոր ապագայում կարող է Հայաստանի համար հեշտացված վիզաների ռեժիմի հանգեցնել»: Ուեյն Մերրին նշում է, որ Հայաստանի ներկա վիճակը պայմանավորված է երկրի կառավարության կողմից կատարած ռազմավարական ընտրությամբ, որը որոշել է իր ապագա անվտանգությունն ու տնտեսական զարգացումը կապել միայն Ռուսաստանի հետ. «Արդյունքում Հայաստանն այսօր ծայրաստիճան մեկուսացված երկիր է, թե՛քաղաքական, եւ թե՛ տնտեսական առումով»: Նյութի մանրամասները կարդացեք «Ամերիկայի Ձայն»-ի կայքում