Վերլուծաբան. ՌԴ-ն թույլ չի տա ԼՂ հարցի լուծումը ուժի կիրառմամբ
«Եկեք ծայրահեղ մոտեցմամբ անդրադառնանք հարցին՝ ռուսներ, դուք վատն եք, Ադրբեջանին զենք եք վաճառում, իսկ Ռուսաստանն էլ, ենթադրենք, ասում է, թե այո, այսուհետ զենք չենք վաճառելու։ Եվ ի՞նչ Ադրբեջանը զենք կգնի ԱՄՆ-ից։ Ի՞նչ է անելու Հայաստանը, փակելու է Հայաստանում ԱՄՆ դեսպանությո՞ւնը, խզելու է ԱՄՆ-ի հետ դիվանագիտական հարաբերություննե՞րը», - «Առավոտ»-ի փոխանցմամբ՝ ասել է «Ռոսիա 24» հեռուստաընկերության վերլուծաբան Վլադիմիր Սոլովյովը՝ պատասխանելով ՌԴ-ի կողմից Ադրբեջանին սպառազինելու հարցին։ Նա նկատել է՝ աշխարհում կա սպառազինության երկու խոշոր մատակարար՝ ՌԴ-ն ու ԱՄՆ-ը, իսկ մատակարարում նշանակում է մրցակցություն տարածաշրջանում ազդեցության համար. «Եթե Ադրբեջանին ԱՄՆ-ն զենք վաճառի, ի՞նչ կստացվի։ Իսկ Հայաստանում ռուսական ռազմաբազան է գտնվում։ Ի՞նչ կլիներ, եթե այն տեղակայված չլիներ Հայաստանում, պատկերացրեք։ Լրիվ այլ աշխարհաքաղաքական դասավորվածություն կունենայինք։ Իսկ ռուսական զենքը հայտնվեց այնտեղ ե՞րբ. այն Ադրբեջանում էր դեռ խորհրդային ժամանակներից»։ Վլադիմիր Սոլովյովը վստահ է՝ Ռուսաստանը երբեք թույլ չի տա, որ Լեռնային Ղարաբաղի հակամարտությունը լուծվի ուժի կիրառման ճանապարհով։
Հետևեք մեզ Viber-ում
