Մեր դաշինքի շանսերը բավականին բարձր են. Արամ Զ. Սարգսյան
«Ելք» դաշինքի համամասնական ցուցակի 2-րդ հորիզոնականը զբաղեցնող, «Հանրապետություն» կուսակցության ղեկավար Արամ Զ. Սարգսյանը հայտարարեց. ««Ելք» դաշինքի հնարավորություններն առաջիկա ԱԺ ընտրություններում բավականին բարձր են։ «Ելք» դաշինքում ընդգրկված երեք կուսակցությունները («Հանրապետության», «Լուսավոր Հայաստան» եւ «Քաղաքացիական պայմանագիր») լրացնում են միմյանց։ «Մենք ընտրությունների ենք հասել փոխադարձ հարգանքի, փոխադարձ վստահության հենքի վրա։ Հասարակությունն արդեն գիտի «Ելք» դաշինքը, եւ անգամ իշխանություններն ու իշխանամետ սոցիոլոգիական հարցումներն են վկայում, որ «Ելք» դաշինքը իրական շանսեր ունի։ Այո, ես մեր հնարավորությունները բավականին բարձր եմ գնահատում։ Բայց ես կարծում եմ, որ մնեք դեռ շատ բան ունենք անելու»,-հայտարարեց Արամ Սարգսյանը։ «Եթե այլ ուժերի դեպքում կարելի է կանխատեսել, թե որքան ձայն նրանք կունենան, «Ելք» դաշինքի դեպքում դա անհնար է: Քանի որ ոչ ոք չգիտի, թե ինչպիսին կլինի մեր քարոզարշավը, ինչպես քարոզարշավի արդյունքում կբարձրանա «Ելք» դաշինքի վարկանիշը»,ասել է նա:
Հետևեք մեզ Viber-ում
