Ազատամարտիկ եւ նախկին ու ներկա պատգամավորներ․ ովքե՞ր են պայքարելու Արագածոտնի մարզում

Ներկայացնում ենք Արագածոտնի մարզն ընդգրկող թիվ 7 ընտրատարածքում ռեյտինգային ընտրակարգով առաջադրված թեկնածուներին․ Ազատ դեմոկրատներ Սիրարփի Ավթանդիլյան-ԱԴ անդամ, Վոնդեֆուլ թրեվլ ընդ թուրս ՍՊԸ-ի հիմնադիր-տնօրեն։ Արշակ Հովհաննիսյան-ԱԴ, չի աշխատում։ Սոնա Ներսիսյան-ԱԴ, չի աշխատում։ Գիվի Վանյան-ԱԴ, չի աշխատում։ ՀԱԿ-ՀԺԿ Նաիրա Մանվելյան-անկուսակցական, Աշտարակի ԲԿ-ի մաշկավեներոլոգ։ Մյասնիկ Մալխասյան-ՀԱԿ, չի աշխատում։ Հովհաննես Հակոբյան-ՀԱԿ, չի աշխատում։   Ելք դաշինք Ղազարյան Արմենուհի-ՔՊԿ, Նուբարաշենի թիվ 11 օժանդակ դպրոցի մանկավարժ։ Գագիկ Կարապետյան-ՔՊԿ, Թալին Ֆուդ ՍՊԸ-ի տնօրեն։ Երուշ Մուսիկյան-Հանրապետություն կուսակցություն, Վազգեն Սարգսյանի տուն թանգարանի աշխատակից։ Սուրեն Մանուկյան-ԼՀԿ, Սուրեն Մանուկյան ԱՁ տնօրեն։ Հայաստանի կոմունիստական կուսակցություն Կառլեն Թորոսյան-ՀԿԿ, ՀԿԿ Բաղրամյանի շրջկոմի երկրորդ քարտուղար։ Ռոբերտ Կարապետյան-ՀԿԿ Թալինի շրջկոմի առաջին քարտուղար Աշոտ Եղիազարյան-ՀԿԿ, չի աշխատում։   Հայկական վերածնունդ կուսակցություն (նախկին ՕԵԿ) Հայկ Հովհաննիսյան-ՀՎԿ, Ոսկեվազի գյուղապետ։ Նվեր Սարգսյան-ՀՎԿ, Վարդենուտ գյուղի միջնակարգ դպրոցի ուսուցիչ։ Արտակ Կարապետյան-ՀՎԿ, չի աշխատում։   Հայ հեղափոխական դաշնակցություն Նորաին Հակոբյան-անկուսակցական, Ծաղկահովիտի գյուղապետ։ Ռուզաննա Տոնոյան-անկուսակցական, Կոշի միջնակարդ դպրոցի տնօրեն։ Կարեն Շահազիզյան-ՀՅԴ, ՀՀ Սոցիալական ապահովության տարածքային գործակալության պետ։ Գուրգեն Շահինյան-ՀՅԴ, «Աշտարակ Քարհանք» ՓԲԸ նախագահ։ Սիրամարգ Ղուկասյան-ՀՅԴ, Արագածոտնի մարզպետի խորհրդական։ Օսկանյան-Րաֆֆի-Օհանյան դաշինք Ռազմիկ Պետրոսյան-անկուսակցական, «Ազատամարտիկների դաշինքի» միության խորհրդի անդամ, Արցախյան պատերազմի մասնակից, «Ապարան» ջոկատի հրամանատար, առավել հայտնի է՝ Ապարանի Ռազմիկ անունով։ Լիգիա Մելքումյան-«Ժառանգություն», Աշտարակի թիվ 5 դպրոցի ուսուցչուհի։ Հայրենուհի Գեւորգյան-Համախմբում, չի աշխատում։ Աշոտ Հակոբյան-Համախմբում, չի աշխատում։   Ծառուկյան դաշինք Լյովա Խաչատրյան-ԲՀԿ, ԱԺ պատգամավոր, ՀՀ ԱԺ Գյուղատնտեսական եւ բնապահպանական հարցերի մշտական հանձնաժողովի անդամ։ Նորա Առուստամյան-ԲՀԿ, ԱԺ պատգամավոր Գագիկ Ծառուկյանի օգնականն է։ Խաչիկ Մանուկյան-անկուսակցական, «Մաքս կոնցեռն» ՍՊԸ-ի տնօրեն։ Նախկին ՀՀԿ-ական է, որը առաջադրվել է ԲՀԿ-ի ցուցակով, ինչպես ինքն է  հայտարարել, քանի որ ՀՀԿ-ում «տեղ չկար»։ Գրիգոր Պետրոսյան-անկուսակցական, Թալինի բժշկական կենտրոնի մանկական բաժանմունքի վարիչ։ Մարտին Մովսիսյան-անկուսակցական, «Հայրենապաշտ» երիտասարդական հասարակական կազմակերպության նախագահ։   Հայաստանի հանրապետական կուսակցություն Արագած Ախոյան-անկուսակցական, ԱԺ պատգամավոր։ Խորհրդարան է մուտք գործել ԲՀԿ խմբակցությամբ, սակայն Գագիկ Ծառուկյանի՝ քաղաքականությունից հեռանալուց հետո շատերի նման հայտարարեց ԲՀԿ խմբակցությունից դուրս գալու մասին։ Բազմասեր Առաքելյան-անկուսակցական, ԱԺ պատգամավոր, կրկին նախկին ԲՀԿ-ական է, որը լքել է խմբակցությունը։ Ի դեպ, օրեր առաջ աղմկոտ պատմության մեջ էր հայտնվել, երբ հայրենի Փարպի գյուղի բնակիչներից մեկը հայտարարել էր, որ պատգամավորն իրեն ծեծի է ենթարկել նրա համար, որ ընտրելու է ՀՅԴ-ին, այլ ոչ թե իրեն։ Ռոլանդ Հայրապետյան-անկուսակցական, «Վահե-Մանե» ՍՊԸ-ի իրավաբան։ Մնացական Մնացականյան-ՀՀԿ խմբակցության պատգամավոր, ՀՀԿ խորհրդի անդամ։ Նաիրի Սահակյան-անկուսակցական, «Ես եւ նա» ՍՊԸ-ի տնօրեն։ Նունե Մովսիսյան-ՀՀԿ, Արագածոտնի մարզպետի տեղակալ։