ՌԴ ԱԳՆ-ն՝ Արցախում լարվածության մասին

ՌԴ արտգործնախարարության մամուլի խոսնակ Մարիա Զախարովան երեկ, ի թիվս այլ հարցերի, խոսել է նաև Լեռնային Ղարաբաղի հակամարտության կարգավորման հարցի մասին՝ նշելով, որ ՌԴ արտաքին գործերի նախարարությունը աշխատանքային շփումներ է պահպանում կողմերի հետ։ Պատասխանելով հարցին, թե Ռուսաստանը՝ որպես բանակցային գործընթացի ակտիվ մասնակից, որ պարտավոր է կողմերին կոչ անել դադարեցնել կրակն ու նստել բանակցային սեղանի շուրջ, Զախարովան ասել է. «Մենք հետևում ենք այդ սկզբունքային դիրքորոշմանը, որը ամրագրված է նաև փաստաթղթերով: Դուք գիտեք մեր սկզբունքային դիրքորոշումը, որն ուղղված է Ղարաբաղի շուրջ իրավիճակի կարգավորմանը բացառապես խաղաղ միջոցներով»։