Ո՞նց է լինում, որ այս հզոր ազգը դարձել է չարչի.Եղիշե Պետրոսյան

Երգահան Եղիշե Պետրոսյանը Հայելի ակումբում հրավիրված ասուլիսի ընթացքում խոսեց   ընտրակաշառքների մասին․ «Մեր ազգը հայտնի է եղել՝ որպես շատ լուրջ կոմունիկացիոն ազգ, տարբեր պետությունների միջև շատ լուրջ առևտրական խոշոր աշխատանքներ է կազմակերպել, այսինքն՝  սա նշանակում է, որ վայելել է մեծ վստահություն, բայց ո՞նց է լինում, որ այս հզոր ազգը դարձել է չարչի։ Այս հրաշալի որակները եկել-հասել են ընտրակաշառքի մակարդակի։ Մեզ սա պատիվ չի բերում»,-ասաց նա: «Վստահ ենք մեր ժողովրդի ողջամտությանը։ Ժողովուրդն ուշքի կգա, թափ կտա իրեն ու կասի՝ «հերիք ու բոլ է։ Դո՛ւ, իշխանությո՛ւն, արժանի չես իմ ձայնին»։ Մեր հասարակության քաղաքացին դեռ  չի հասկանում՝ ինչքան կարևոր է իր ձայնը։ Ժողովուրդը պետք է չափազանց բարձր գնահատի իր ձայնը»,- նշեց  ասուլիս մյուս բանախոս, «Ազատ դեմոկրատներ» կուսակցության վարկանիշային ցուցակով Մալաթիա, Շենգավիթ համայնքում պատգամավորի թեկնածու առաջադրված  Անահիտ Բախշյանը։