Սաղին իրար դեմ ենք հանել, մարդիկ իրար թշնամի են դառնալու. Կարեն Կարապետյան

ՀՀԿ-ական պատգամավոր Կարեն Կարապետյանը լրագրողների հետ զրույցում, անդրադառնալով նույն ընտրատարածքում միևնույն քաղաքական ուժը ներկայացնող թեկնածուների միջև եղած լարվածությանը, ասաց, որ դաշտը ազատ է, բոլորը պայքարում են, բայց չեն պայքարում իրար դեմ։ «Իմ սկզբունքը հետևյալն է՝ մենք, այդ թվում՝ ես, որևէ մեկի դեմ չեմ աշխատում»,- փաստեց նա։ Այնուհետև տեղեկացրեց, որ դեմ է ռեյտինգային ընտրակարգին՝ նշելով, որ եղել է այն անձանցից, որը դեմ է եղել դրան, սակայն ունենք այն, ինչ ունենք: «Ժողովուրդը սոված վիճակում, կարծես, էլ խնդիր չունի, սաղս գնացել ենք, կոպիտ ասած՝ սաղին իրար դեմ ենք հանել։ Հակասություններ լինելու են։ Մենք թողելու ենք գանք, էլի հանգիստ ստեղ նստենք, մարդիկ իրար թշնամի են դառնալու», -  ասաց նա: Նրա խոսքով՝ ինքը ընդհանուր սկզբունքների մաիսն է խոսում, անհատներին չի անդրադառնում: «Բոլորս էլ գիտենք, ոչ ոք միամիտ չի էսօր։ Իսկ մի բան դուք շատ լավ գիտեք, որ հանրության մեջ պաշտոնական թվերով մեկ միլիոն և ավել ընչազուրկ խավ կա»,-ասաց նա։