Ովքե՞ր են Լոռու մարզում ռեյտինգային ընտրակարգով պայքարելու

Կենտրոնական ընտրական հանձնաժողովը դեռեւս չի հրապարակել ռեյտինգային ընտրակարգով առաջադրված անձանց ցուցակները։ Ներկայցնում ենք տարբեր դաշինքների եւ կուսակցությունների ներկայացուցիչներին, որոնց առաջադրումների մասին արդեն հայտնի է։ Թիվ 9 ընտրատարածք, որն ընդգրկում է Լոռու մարզըю Իշխող ուժը՝ ՀՀԿ-ն այստեղ ունի մի քանի հայտնի անուններ, ինչպես Կարեն Կարապետյան, Վահրամ Բաղդասարյան, Արկադի Համբարձումյան։ Կարեն Կարապետյանը Տաշիր գրուպ ընկերության սեփականատեր Սամվել Կարապետյանի եղբայրն է, ՀՀԿ գործադիր մարմնի անդամ։ Չնայած թվով հինգ գումարումների խորհրդարանի պատգամավոր է, բայց երբեք աչքի չի ընկել օրինաստեղծ գործունեությամբ, ընդհակառակը՝ խորհրդարանի բացակայող պատգամավորներից է։ Վահրամ Բաղդասարյանը ՀՀԿ խմբակցության ղեկավարն է, խորհրդարանական գործունեությունը սկսել է դեռ 1990 թվականից, բայց խորհրդարանում  առավել ակնառու է դարձել խմբակցության ղեկավարի պաշտոնը ստանձնելուց հետո։ Արկադի Համբարձումյան (Դերժավա) Հայտնի գործարար է, երեք գումարումների խորհրդարանի պատգամավոր է, բայց խորհրդարանում երբեք աչքի չի ընկել պատգամավորի գործունեությամբ, բացակայող եւ ուրիշների փոխարեն քվեարկող պատգամավորներից է։ Ի դեպ, մամուլում մեծ աղմուկ բարձրացրեց նաեւ իր ընտանիքի կողմից ԵՊՀ հյուրերի տունը գնելու եւ այն հյուրանոց դարձնելու մտադրությունը։   Ազատ Դեմոկրատներ Վաղինակ Շուշանյան-Քաղաքացիական ակտիվիստ է, որը հանրությանն առավել հայտնի դարձավ Էլեկտրաէներգիայի դեմ պայքարից․ «Էլեկտրիկ Երեւան» շարժման դեմքերից էր։   Հայկական վերածնունդ կուսակցություն (նախկին ՕԵԿ) Արկադի Փելեշյան(Ակա)Վանաձորի ՏԻՄ ընտրությունների ՀՎԿ-ի քաղաքապետի թեկնածուն, Վանաձորում հայտնի կիսաքրեական հեղինակություն, որը հայտնի դարձավ նաեւ ընտրությունների ավարտից հետո Վանաձորի Ավետարանական եկեղեցու առաջնորդ Ռաֆայել Գրիգորյանին ծեծի ենթարկելուց հետո։   «Ելք» դաշինք Անդրեյ Ղուկասյան -Քաղաքացիական Պայմանագիր կուսակցության անդամ, ՔՊ ցուցակով մասնակցել է Վանաձորի ՏԻՄ ընտրություններին, ցուցակի երկրորդ համարն էր։ Վանաձորում հայտնի ատամնաբույժ է։տ Էդմոն Մարուքյան-«Լուսավոր Հայաստան» կուսակցության նախագահ, ԱԺ հինգերորդ գումարման պատգամավոր, խորհրդարանում նախ ներկայացվել է որպես անկախ պատգամավոր՝ մեծամասնական ընտրություններում պարտության մատնելով Վիկտոր Դալլաքյանին, ապա հիմնել կուսակցություն։ Ելք դաշինքի համամասնական ցուցակի առաջին համարն է։ Ըստ Parliamentmonitoring.am կայքի ուսումնասիրության՝ մեծամասնական ընտրակարգով ընտրված ամենաակտիվ պատգամավորն է։ Սուրեն Պապիկյան-Քաղաքացիական պայմանագիր կուսակցության վարչության անդամ, վարչության փոխնախագահ, մասնագիտությամբ պատմաբան է։ Օսկանյան-Րաֆֆի Օհանյան դաշինք Վահան Ղույումչյան-«Համախմբում» կուսակցության անդամ, կուսակցության Վանաձորի տարածքային բաժնի ղեկավար, Վանաձորի ՏԻՄ ընտրություններում «Համախմբման» քաղաքապետի թեկնածու։Վանաձորի Հովհաննես Թումանյանի անվան պետական մանկավարժական համալսարանի «Հոգեբանություն եւ սոցիոլոգիայի» ամբիոնի դասախոս։   ՀԱԿ-ՀԺԿ դաշինք Աշոտ Մանուկյան –ՀԱԿ անդամ, Վանաձորի ՀԱԿ-ի տարածքային կառույցի ղեկավար։ Սարգիս Թամազյան-ՀԱԿ վարչության անդամ։   Հայ հեղափոխական դաշնակություն Մարտուն Մաթեւոսյան-ՀՅԴ անդամ, 1999 թվականին մեծամասնական ընտրակարգով պատգամավոր է ընտրվել, եղել է խմբակցության քարտուղարը։ Զոհրաբ Թորոսյան-ՀՅԴ անդամ «Ծառուկյան» դաշինքի եւ Հայաստանի կոմունիստական կուսակցության թեկնածուներին պարզել չհաջողվեց։ Սեդա Ղուկասյան