Բազմաթիվ թերություններ ունեմ, բայց պաշտոնն ու փողն արժեք չեն.Օսկանյան

«Եթե ազգովի թույլ տանք, որ անդունդի եզրին հայտնված իշխանությունը վերարտադրվի, հավատացեք, որ հաջորդ տասնամյակներում մեզ լավ բան չի սպասվելու :Իշխանափոխության հրամայականն այսօր Հայաստանում օդում է:Երկու տասնամյակ եղել է իշխանության մեջ», - «Օհանյան-Րաֆֆի-Օսկանյան» (ՕՐՕ) դաշինքի համաժողովին հայտարարեց «Համախմբում» կուսակցության նախագահ Վարդան Օսկանյանը։ «Որպես անհատ, իհարկե, բազմաթիվ թերություններ ունեմ, բայց երկու հարցում ես ինձ անթերի եմ համարում՝ նվիրում հայրենիքին և ազնիվ աշխատանք պետական համակարգում», - ընդգծեց Օսկանյանը և հավելեց,որ այդ երկու տասնամյակում, երբ աշխատել է երկու նախագահների հետ, երբեք չի ծառայել մարդուն, այլ ծառայել է երկրին, ժողորդին, հայրենիքին։ «Այդ երկու տասնամյակի ընթացքում չի եղել մի դեպք, որ ես ինչ-որ մեկից մի բան խնդրեմ կամ իմ պաշտոնն ու պետության ընձեռած հնարավորությունները չարաշահեմ։ Երբ ավարտել եմ իմ պաշտոնավարությունը, հակառակ նրան, որ ինձ առաջարկվել է բարձրագույն պաշտոններ, ես նախընտրել եմ դուրս մնալ իշխանությունից, որպեսզի կարողանամ իմ ներդրումը բերել Հայաստանում քաղաքացիական հասարակության, ազատ մամուլի և ընդդիմության ձևավորմանը», - ասաց Օսկանյանը։