Ուժ, թե՞ գաղափար, ով ինչ «զենք» ունի

Ռեյտինգային ընտրակարգը կատաղի մրցապայքար է ենթադրում, որի ժամանակ թիմի ֆավորիտները պայքարելու են նախ իրար դեմ, որպեսզի ցույց տան, որ տվյալ տարածքում հենց իրենք են <<ասողը>>, հետո միայն թիմակիցների դեմ:Բնականաբար կատաղի պայքարը ՀՀԿ-ականների մեջ է, այս առումով Երեւանի թիվ 1 ընտրատարածքը առաջատարներից է: Արդեն մի քանի շաբաթ է այս ընտրատարածքի թրիլլերներ հիշեցնող մրցապայքարի մասին լուրեր  են սպրդվում:Երեւանի Ավան, Նոր Նորք եւ Քանաքեռ Զեյթուն համայնքն ընդգրկող ընտրատարածքն է սա: Ֆավորիտները երկուսն են՝ Ռոբերտ Սարգսյանը՝  Ազգային ժողովի ԴԱՀԿ նախկին պետ Միհրան Պողոսյանը, առաջադրվել է նաեւ նախկինպատգամավոր Ղուկաս Ուլիխանյանը, որը նաեւ ԵԿՄ վարչության անդամ է, Նոր Նորքի թաղապետի եղբայրը: Սակայն վերջինիս ակտիվության նշաններ ցույց չի տվել, վերոնշյալ երկու թեկնածուն պայքարը տեղափոխել են մինչեւ անգամ գողական դաշտ, խառնվել են տարածքի թաղային հեղինակությունները, մամուլը գրեց, թե հանրահայտ Տույն է ապտակել Միհրան Պողոսյանին: Հասկանալի է, որ այստեղ պայքարն ավելի շատ ոչ թե Ռոբերտ Սահակյանի դեմ է, այլ նրա հովանավոր, փեսա Տարոն Մարգարյանի, որի համար եւս Սարգսյանի բացարձակ հաղթանակը սկզբունքային է: Ավելի վաղ մենք գրել էինք, որ Պողոսյանն էլ իր հերթին խորհրդարան անցնելու ցանկություն չունի, նեղ շրջապատում հայտարարել է, որ ընտրություններից հետո այլ պաշտոնի է անցնելու, թե ինչ պաշտոնի, կպարզվի ապագայում։ Սակայն մեր տեղեկություններով Պողոսյանի «կոտորածը» հստակ նպատակ է հետապնդում,նա Գագիկ Բեգլարյանի «քիփն» է եւ խորհրդարանի ընտրությունները երկուսով իբրեւ նախերգանք են դիտարկում քաղաքապետի ընտրություններին, որը տեղի կունենա այս տարվա մայիսին։Գագիկ Բեգլարյանը դեռեւս հույս ունի, որ կստանա իր երազած պաշտոնը: ՀՀԿ-ականներից ոչ պակաս ռեսուրսակիր թեկնածույով է խաղի մեջ մտել դաշնակցությունը, ՀՅԴ-ական նախարար Դավիթ Լոքյանի որդին՝ Սերգեյ Լլոքյանն է առաջադրվելու, Լոքյանների ու հատկապես կրտսեր Լոքյանի բիզնեսների մասին մամուլում բազմաթիվ հրապարակումներ են եղել: Դավիթ Լոքյանը Քարվաճառում ՀԷԿ ունի, Սերգեյ Լոքյանը, «Այուդի-Լոս» և «Սևադալ ՀԷԿ» ընկերությունների հիմնադիրն է։ ՀՅԴ ցուցակում են նաեւ նախկին պատգամավորներ Արտյուշա Շահբազյանը, Ռուզաննա Առաքելյանը եեւ այլ անուններ: Արթուր Բաղդասարյանի ՀՎԿ-ի ցուցակը թեեւ բազմամարդ է՝ 13 անուն, բայց ոչ ներկայացուցչական: Հայտնի անուններից են պատգամավոր Մհեր Շահգելդյանը եւ ՀՎԿ խոսնակ Էդգար Առաքելյանը:Ծառուկյան դաշինքն էլ նախանձելի վիճակում չէ թեկնածուների առումով , ԲՀԿ-ի ամենաուժեղ թեկնածուն  նախկին սոցապնախարար Գեւորգ Պետրոսյանն է, որին Նաիրա Զոհրաբյանը հեռացրել էր ԲՀԿ-ից , առաջադրվել են նաեւ տարածքային կառույցի ղեկավարը եւ այլ ԲՀԿ-ականներ:Օհանյան-Րաֆֆի Օօսկանյան դաշինքի աչքի ընկնող թեկնածուներից են պատգամավոր Հայկ Խաչատրյանը, նա վերջերս ԲՀԿ-ից տեղափոխվեց համագումար,ազատամարտիկ Սմբատ Հակոբյանը: Այդուհանդերձ ռեսուրսակիրներին գաղափարական այլընտրանք էլ է ներկայացվելու՝ ի դեմք Ազատ դեմոկրատներ կուսակցության եւ Ելք ու ՀԱԿ-ՀԺԿ  դաշինքի: Այս ընտրատարածքում են առաջադրվելու Ստյոպա Սաֆարյանը, Անտարես հրատարակչության տնօրեն Արմեն Մարտիրոսյանը՝ՀԱԿ-ից, Վլադիմիր Կարապետյանը, Մանե Թանդիլյանը՝ Լուսավոր Հայաստան Կուսակցությունից, «Զարուհի Բաթոյանը՝‐ՔՊԿ, Հույսի կամուրջ ՀԿ ծրագրի համակարգող: Հիշեցնենք, որ 2012-ի դեկտեմբերին մենք ականատեսը եղանք Ստյոպա Սաֆարյանի ու Ռոբերտ Սարգսյանի անհավասար մրցապայքարին, որի ժամանակ Սաֆարյանն այդուհանդերձ փայլեց իր կազմակերպված ու գաղափարական պայքարով, բայց ի վերջո հաղթեց իշխանության ռեսուրսը: Այդ  ընտրատարածքում կայացան ԱԺ մեծամասնական ընտրակարգով լրացուցիչ ընտրություններ, որոնց  անհրաժեշտություն էր առաջացել այն պատճառով, որ դեռեւս նույն տարվա մայիսի 6-ին կայացած խորհրադարանական ընտրությունների ժամանակ պատգամավոր դարձած Ռուբեն Հայրապետյանը հրաժարական տվեց, քանի որ իրեն պատկանող «Հարսնաքար» ռեստորանային համալիրում անվտանգության աշխատակիցները ծեծելով սպանել էին ռազմական բժիշկ Վահե Ավետյանին։ Անի Սահակյան