Խոշոր վթար Տավուշի մարզում.3 վիրավորների մեջ է պայմանագրային զինծառայող. ՖՈՏՈՌԵՊՈՐՏԱԺ

Այսօր՝ փետրվարի 21-ին, խոշոր ավտովթար է տեղի ունեցել Տավուշի մարզում: Ժամը 13:40-ի սահմաններում Երևան-Իջևան ավտոճանապարհի 105 կմ հատվածում բախվել են Երևան քաղաքի Գրիբոյեդովի փողոցի բնակիչ, 36-ամյա Վահան Լազյանի վարած Toyota մակնիշի 35 FR 851 համարանիշի և Տավուշի մարզի Բերդ քաղաքի Խորենացու փողոցի բնակիչ, 39-ամյա Հրաչ Մկրտումյանի վարած УАЗ 3962 մակնիշի 251 ԼՏ 59 համարանիշի ավտոմեքենաները: Ինչպես հայտնում է ֆոտոլրագրող Գագիկ Շսմշյանը, վթարի հետևանքով 2 վարորդներն ու УАЗ-ի ուղևոր, Բերդ քաղաքի Նելսոն Ստեփանյան փողոցի բնակիչ, 43-ամյա Ռազմիկ Ծատուրյանը մարմնական վնասվածքներով տեղափոխվել են՝ УАЗ-ի վարորդն ու ուղևորը՝ Դիլիջանի հիվանդանոց, իսկ Toyota-ի վարորդն էլ ժամեր անց դիմել է Երևանի հիվանդանոցներից մեկը: Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի աշխատակիցները՝ վաշտի հրամանատար Էդգար Սուսլիյանի գլխավորությամբ: Վթարի մասին ՃՈ օպերատիվ կառավարման կենտրոնի պատասխանատու հերթապահ Արշակ Գրիգորյանը տեղեկությունը փոխանցել է ոստիկանության Դիլիջանի բաժին, որտեղից ժամանել է օպերատիվ խումբը: Օպերատիվորեն ժամանել են նաև ապահովագրական ընկերությունների ներկայացուցիչները: Փաստի առթիվ նույն վաշտի ՃՈ հետաքննիչ Հարութ Մարգարյանի կողմից նյութեր են նախապատրաստվում: Գ. Շամշյանի տեղեկություններով՝ վթարված УАЗ-ը պատկանում է Բերդի բժշկական կենտրոնին, իսկ նրա ուղևոր՝ հիվանդանոց տեղափոխված Ռ. Ծատուրյանը ծառայում է ՀՀ ՊՆ N զորամասում՝ որպես պայմանագրային զինծառայող: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Կարեն Գրիգորյանի