Ողբերգական ավտովթար Քարվաճառի ճանապարհին. ընտանիքի անդամները ավտոմեքենայով գլորվել են ձորը. կա 1 զոհ, 5 վիրավոր

Այսօր՝ փետրվարի 21-ին, ողբերգական ավտովթար է տեղի ունեցել Լեռնային Ղարաբաղի Հանրապետության տարածքում: Ժամը 15:10-ի սահմաններում Քարվաճառ-Վարդենիս ավտոճանապարհի 35-րդ կմ հատվածում՝ Քնարավան գյուղի վարչական տարածքում, Mitsubishi մակնիշի 35 DF 979 համարանիշի ավտոմեքենայի վարորդը դուրս է եկել ճանապարհի երթևեկելի գուտուց և մոտ 60 մետր գլորվել ձորը: Ինչպես հայտնում է ֆոտոլրագրող Գագիկ Շամշյանը, վթարի հետևանքով ավտոմեքենայի ուղևոր, Գեղարքունիքի մարզի Ծակքար գյուղի բնակիչ, 56-ամյա Անահիտ Սարգսյանը տեղում մահացել է, իսկ նույն գոյւղի բնակիչներ, 55-ամյա Նվեր Սարգսյանը, 31-ամյա Արթուր Սարգսյանը, 33-ամյա Թագուհի Սարգսյանը և 35-ամյա Գարիկ Մանուկյանը մարմնական վնասվածքներով տեղափոխվել են Քարվաճառի (Քելբաջարի) N զորամասի բուժմիավորում, որտեղ առաջին անհրաժեշտ բուժօգնությունն են ստացել: Վթարի վայր է ժամանել ԼՂՀ Շահումյանի ներքին գործերի բաժնի օպերատիվ խումբը՝ քննիչ Նորայր Մարտիրոսյանի գլխավորությամբ: Տեղում են եղել նաև ԼՂՀ ճանապարհային ոստիկանության Շահումյանի շրջանի ՃՈ աշխատակիցները՝ ՃՈ պետ Արսեն Ասրյանի գլխավորությամբ: Գ. Շամշյանի տեղեկություններով՝ մահացած ու վիրավոր Սարգսյանները ընտանիքի անդմաներ են և, ըստ տեղեկություների, ավտոմեքենան վարել է մահացածի ամուսինը՝ Ն. Սարգսյանը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: