«Ժողովուրդը չի՞ տեսնում` այդ ասողներն ինչ տներ են սարքել. մորեխի տրամաբանությամբ քաղաքական ուժից ուժ են թռնում». Արամ Մանուկյան

Այսօր լրագրողների հետ հանդիպման ժամանակ ՀԱԿ խմբակցության քարտուղար Արամ Մանուկյանը ասաց, որ պատգամավորներ ունենք, որ կոճակի տեղը չգիտեն:«Խորհրդարանն անորակի տանելու շքերթն ավելի է խորացել, քաղաքականությունը դարձել է մեյմունություն: Մորեխի նման թռչում են տեղից տեղ, միայն թե հայտնվեն այդ աթոռի վրա»,- նշեց ՀԱԿ քարտուղարը: Խոսելով նախընտրական դաշինքների և քաղաքական ուժերի տված բազմաթիվ խոստումների և ծրագրերի մասին՝ պարոն Մանուկյանը նշեց, թե պատգամավորները  իշխանությունից ընդդիմություն են վազում, ընդդիմությունից՝ իշխանություն, հետո գալիս են, կոալիցիա են մտնում: «Ասում են, թող ասեն, ժողովուրդը չի՞ տեսնում էդ ասողները ինչ տներ են սարքել, ինչ բիզնեսներ ունեն, 6 ամիս առաջ ինչ էին ասել ու հիմա ինչ են ասում: Բա որ ասում եմ մորեխի հոգեբանությամբ, մորեխի տրամաբանությամբ քաղաքական ուժից ուժ են թռնում՝ իշխանությունից թռնում են ընդդիմություն, ընդդիմությունից թռնում են իշխանություն, հետո խաղում են ընդդիմություն, գալիս մտնում են կոալիցիա: Ո՞վ չգիտի սրա մասին: Բայց մեր վիճակն այնքան վիճակ չի, որ ես չեմ ուզի շրջվեմ ու ամբողջ ճշմարտությունները ասեմ, որովհետեւ եթե ես խոսեմ ներքին այն գաղջի մասին, ինչ տեղի է ունենում քաղաքական դաշտում, այն մայմունության, ես կկորցնեմ այն ամենը, ինչի մասին խոսեցի»,- ասաց նա: