Դրսից ներսից գզվռտոց կա. Վարդան Բոստանջյան

«Ծառուկյան» դաշինքի նախընտրական ցուցակի 4-րդ համար Վարդան Բոստանջյանն այսօր Հայելի ակումբում լրագրողների հետ զրույցում ասաց, որ Գագիկ Ծառուկյանը լայն կոնսոլիդացիա էր ուզում, որ համակարգը փոխեր:«Գագիկ Ծառուկյանը  ասաց եկեք հավաքվենք իրար հետ համակարգը փոխենք ու հիմա եթե չենք հավաքվում, ո՞նց անես կոնսոլիդացիա, արհեստականորե՞ն...  Հիմա, տեսեք էն ավանդական ուժերի առումով, պարզվեց՝ դրսից ներսից գզվռտոց կա, դուք էդպիսի մարդկանց կթողնեի՞ք ձեր տան մեջ։ Մենք ասում էինք՝ այսպիսի մեծ համակարգային փոփոխություններ կատարելու համար լայն կոնսոլիդացիա  է պետք, չէին ասում՝ հիմա կստեղծենք։ Ընդամենը երկու միլիոնանոց երկիր ենք, հո Չինաստանում չենք գտնվում, որ 1,5 միլիարդանոց կոնսոլիդացիա անենք»,–ասել է նախկին պատգամավորը։ Դիտարկմանը, թե արդեն մի անգամ հասարակությունը տեսել է վախեցած Գագիկ Ծառուկյանին, որը երկու տարի առաջ արյունահեղության անվան տակ հրաժարվեց իշխանափոխությունից, ասաց. «Մենք միշտ հիշելու ենք մարտի 1-ը: Դուք ասում եք՝ թող էդ օրը տեղի ունենար մարտի 1-ից ուժեղ մի պայթյուն: Դա արկածախնդրություն կլիներ»: