Ռուս զինվորականների ավտոմեքենան Սիրիայում պայթեցվել է. կան զոհեր

«ՌԻԱ Նովոստին»` վկայակոչելով ՌԴ պաշտպանության նախարարության տարածած հաղորդագրությունը հայտնում է,որ  Սիրիայում ավտոմեքենայի պայթեցման հետևանքով 4 ռուս զինվորական է մահացել, ևս երկուսը` վիրավորվել: «2017 թվականի փետրվարի 16-ին Սիրիայի Արաբական Հանրապետությունում հեռակառավարման սարքի միջոցով ավտոմեքենայի պայթեցման հետևանքով 4 ռուս զինծառայող է զոհվել, երկուսն էլ` վիրավորվել: Բժիշկները պայքարում են վերջիններիս կյանքի համար:Սիրիական բանակի ավտոշարասյունը, որում գտնվում էր նաև ռուս զինվորականների մեքենան, շարժվում էր դեպի սիրիական Հոմս քաղաք: Այն բանից հետո, երբ ավտոշարասյունն անցել էր 4 կմ, գործարկվել է ավտոմեքենայի տակ դրված պայթուցիկ սարքը», - ասվում է հայտարարության մեջ: