Եղավ այն, ինչ եղավ. Բախշյանը զբաղեցնում է 4-րդ հորիզոնականը

««Ազատ դեմոկրատների» ցուցակում, բացի կուսակցության անդամներից, ընդգրկված են անձինք, որոնք բոլորը միասին ունեն մեկ հստակ տեսլական՝ Հայաստանը որպես ինքնիշխան, իրավական պետություն՝ դեպի եվրոպական պետությունների ընտանիք գնացող»,-Հայելի ակումբում լրագրողների հետ հանդիպման ժամանակ ասաց Անահիտ Բախշյանը: Նրա խոսքով՝ իրենց ցուցակը բաղկացած է 101 անդամից, որոնց 60 տոկոսը երիտասարդներ են, 40 տոկոսը՝ կանայք.  «Սա ցուցակ է, որը հույսեր է արթնացնելու հասարակության մեջ»: Անահիտ Բախշյանը նշեց, որ կցանկանար, որ «Ազատ դեմոկրատներն» ու «Ելքը» միասնական դաշինքով մասնակցեին ընտրություններին. «Սակայն եղավ այն, ինչ եղավ, հիմա մնում է, որ բոլոր համախոհ ուժերը նույն դաշտում լինեն ու երկրի ինքնիշխանությունը պահեն»: Նշենք, որ նա զբաղեցնում է 4-րդ հորիզոնականը