Բաքվում Լապշինին ոչ բավարար իրավաբանական աջակցություն է տրամադրվում.ահազանգում է կինը

Բելառուսից Ադրբեջան արտահանձնված բլոգեր Ալեքսանդր Լապշինի կինը` Եկատերինան, ահազանգում է, որ իր ամուսնուն չեն տրամադրում անհրաժեշտ իրավաբանական աջակցություն: Այս մասին նա գրառում է կատարել ֆեյսբուքյան էջում: Թեպետ Ադրբեջանի դատախազությունը հայտարարել է Լապշինին անհրաժեշտ իրավական աջակցություն տրամադրելու մասին, սակայն դա արվել է նրա` Բաքու ժամանելուց միայն 10 ժամ անց: «Ինչո՞ւ հենց օդանավակայանում կամ Ադրբեջանի պետական անվտանգության ծառայության մեկուսարանում, որտեղ էլ հենց ԶԼՄ-ների փոխանցմամբ նա տեղափոխվել էր ժամանելուց հետո չեն գտե՞լ, չեն հասցրե՞լ թարգմանիչ: Իսկ ինչո՞ւ են հասցրել լրագրողների մի մեծ բանակ ուղարկել օդանավակայան: Հետևաբար` զարմանալի չէ, որ հատուկ ծառայությունների հետ մի գիշեր անցկացնելուց հետո Լապշինը չուներ որևէ բողոք: Անգամ մի քանի ժամն է բավական, որ ցանկացած մարդու շատ բան բացատրվի»,- գրում է Եկատերինան:   Նա հայտնել է, որ առաջիկա 1-2 օրերի ընթացքում ՌԴ և Իսրայելի քաղաքացի բլոգեր Լապշինը նոր փաստաբան կունենա, հետևաբար՝ կհայտնվի նրա վիճակի մասին ավելի օբյեկտիվ տեղեկություն: