Ղարաբաղյան պատերազմը մեր կռիվն է, որ պիտի տանք ու հաղթենք, ու BBC-ներին պետք չէ դրան խառնել
Վերջին գրառումս լայն արձագանք ստացավ, կրքեր բորբոքվեցին, անգամ հայտնվեցին ինձ «կեղեքիչների» շարքին դասողները: Չիմացությունից ու անտեղյակությունից է, ոչինչ: Քանի որ էջս ծանրաբեռնվեց, առանձին մանրամասնեմ ասածս. 1) Հենրիխ Մխիթարյանը լավագույն հայերից է՝ իր աշխատասիրությամբ, տաղանդով ու արժանապատվությամբ բոլորիս համար կարող է օրինակ ծառայել: Ես նրա՝ ոչ միայն որպես ֆուտբոլիստի, այլ անձի երկրպագուն եմ։ 2) Հենրիխը իր վերջին շրջանի փառահեղ խաղով հայտնվել է անգլիական մամուլի կիզակետում՝ այն մամուլի, որը մշտապես, անգամ պատմականորեն եղել է և կա ադրբեջանամետ։ 3) Հայաստանը՝ որպես անտեր ու թշվառ երկիր ներկայացնելը Ադրբեջանի պետական քարոզչության բաղկացուցիչն է: BBC-ն տվյալ դեպքում, օգտագործելով Հենրիխի ասածը, հերթական անգամ ծառայեցրել է առիթը Ադրբեջանի շահերը սպասարկելու համար։ 4) Մենք՝ հատկապես հաջողության հասած հայերս, պիտի զգույշ լինենք և թույլ չտանք, որ մեր բառերը կամ մտքերը երբևիցե օգտագործվեն մեր երկրի շահերին հակառակ։ 5) Իսկ իրական թշվառությունը, որը իսկապես կա, ինչպես և ղարաբաղյան պատերազմի դեպքում՝ ՄԵՐ պատերազմն է, ՄԵՐ կռիվն է, որ պիտի տանք ու հաղթենք, ու BBC-ներին պետք չէ դրան խառնել: ՀԱՂԹԵԼՈՒ ԵՆՔ, հանգիստ կացեք: Արմեն Դարբինյան. ֆեյսբուք:
Հետևեք մեզ Viber-ում
