Բագրատյանը «Ազատ դեմոկրատներ» -ի ցուցակում կլինի՞
«Ազատ դեմոկրատներ» կուսակցության վարչության անդամ և մամուլի խոսնակ Սոնա Մինասյանը Հայելի ակումբում լրագրողների հետ զրույցում ասաց,որ «Ազատ դեմոկրատներ» կուսակցությունն ընտրություններին մասնակցելու իրենց հայտը Կենտրոնական ընտրական հանձնաժողով կներկայացնի փետրվարի 15-ին կամ 16-ին: «Մեր ցուցակը բաղկացած կլինի մոտավորապես 100-110 հոգուց, 70 տոկոսը կլինեն երիտասարդներ:Այդ բովանդակային սերնդափոխության շունչը դուք անպայման կտեսնեք: Այս պահի դրությամբ կարող եմ հստակ ասել՝ «Ազատ դեմոկրատներ» կուսակցության համամասնական ցուցակը գլխավորելու է կուսակցության նախագահ Խաչատուր Քոքոբելյանը, առաջին կին թեկնածուն կլինի Անահիտ Բախշյանը»,- նշեց Ս. Մինասյանը: «Մենք այսօր կունենանք վարչության ընդլայնված նիստը, և այդ բոլոր հարցերին՝ Հրանտ Բագրատյանի հետ կապված, երեկոյան կպատասխանենք»,-լրագրողների հարցին ի պատասխան ասաց Մինասյանը: «Մենք հույս ունենք ու կարծում ենք, որ կլինի»,-հնարավո՞ր է, որ Հրանտ Բագրատյանը չլինի ցուցակում, Մինասյանը նման պատասխան տվեց:
Հետևեք մեզ Viber-ում
