Արա Աբրահամյանը ազդեցություն չի ունեցել իմ որոշման վրա. Արամ Սարգսյան

«Ռուսաստանի հայերի միության նախագահ Արա Աբրահամյանը որևէ ազդեցություն չի ունեցել Դեմոկրատական կուսակցության՝ Օսկանյան-Օհանյան դաշինքը լքելու որոշման վրա։Արա Աբրահամյանն ու ես շատ երկար տարիների մտերիմ ընկերներ ենք, մեր հարաբերությունները ինչպես եղել են ընկերական, այդպես էլ շարունակվում են, բայց նա հայտարարեց, որ չի մասնակցելու քաղաքական այս գործընթացին», - լրագրողների հետ հանդիպմանն ասաց Հայաստանի Դեմոկրատական կուսակցության նախագահ Արամ Սարգսյանը։ «Ժամանակին որոշել էին միասնական գնալու ու «Ազգային միասնություն» շարժումը հանուն դրա էր ստեղծվել։ Բայց, ելնելով իր առողջական վիճակից, ինքը նման որոշում կայացրեց ու դրանից հետո այլևս քաղաքական խնդիրների վերաբերյալ մեր ու իր մեջ չկա որևէ հարցադրում, հավատացնում եմ ձեզ», - ասաց Ա. Սարգսյանը։