Արտակարգ իրավիճակ Երևան-Աշտարակ ճանապարհին

Արդեն 3 ժամից ավելի է, արտակարգ իրավիճակ է ստեղծվել Երևան-Աշտարակ ավտոճանապարհին՝ Կարմիր Խաչից մինչև Պռոշյան գյուղ: Ճանապարհի մերկասառույցի պատճառով 2 տասնյակից ավելի ավտոմեքենաներ բախվել են իրար: Կան նաև կողաշրջված ու գլխիվայր շրջված մեքենաներ: Ինչպես հայտնում է shamshyan.com-ը, բարեբախտաբար վթարների հետևանքով զոհեր և վիրավորներ չկան, սակայն վարորդներն արդարացիորեն բարձրաձայնում էին՝ ասելով. «Թողեք՝ Երևանի քաղաքապետարանի ու վարչական շրջանների որոշ պատասխանատուներ ամպագոռգոռ հայտարարություններ տարածեն, թե իրենց կողմից կատարվում են ճանապարհները մերկասառույցից մշակելու աշխատանքներ: Իրենք ունեն կուտակած անհրաժեշտ աղն ու ավազը և պատրաստ են ցանկացած եղանակային պայմաններում՝ կլինի ձյուն, բուք թե մերկասառույց, աշխատել ու իրենք ճանապարհները կմաքրեն այդ ամենից: Թող հիմա գան, էս վիճակը տեսնեն: Հո լոպազ-լոպազ խոսալով չի՞»:   Մանրամասները՝ shamshyan.com-ում