Հայաստանի Սահմանադրության օրը պետական խորհրդանիշների օր կհռչակվի
Այսօր Ազգային ժողովում քննարկվում է «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքում լրացում կատարելու մասին օրենքի նախագիծը։ «Տոների եւ հիշատակի օրերի մասին» օրենքում փոփոխությունների նախագիծը փետրվարի 9-ին խորհրդարանում ներկայացրեց մշակույթի փոխնախարար Արթուր Պողոսյանը։ Նրա խոսքով՝ ցանկացած երկրում պետք է ամրապնդել պետության խորհրդանիշների՝ դրոշի, հիմնի եւ զինանշանի նկատմամբ հարգանքը։ Դա օգնում է մարդկանց մոտ քաղաքացիական մտածելակերպ դաստիարակել։ «Այս ծրագիրն ընդունվել էր 2010 թվականի փետրվարին, որն իր մեջ ներառում էր մի գաղափարախոսություն՝ ՀՀ հասարակության, քաղաքացիական, հայրենասիրական գիտակցության բարձրացման, հոգևոր ներուժի խթանման անհրաժեշտություն, երիտասարդ սերնդին պետականաշինության գաղափարներին ավելի մոտ պահելու անհրաժեշտություն, և այլն: Առաջարկում ենք պետական խորհրդանիշների օրը որպես պետական տոն ընդունել. հուլիսի 5-ը՝ Սահմանադրության օրը, հռչակվի նաև պետական խորհրդանիշների օր»,- ասաց նա:
Հետևեք մեզ Viber-ում
