Լապշինի արտահանձնումն ապտակ էր Հայաստանի համար. Արման Նավասարդյան

ՀՀ արտակարգ և լիազոր դեսպան Արման Նավասարդյանը լրագրողների հետ հանդիպմանն ասաց,որ  Լապշինի արտահանձնումն ապտակ էր Հայաստանի համար ու կարող է ունենալ հեռուն գնացող հետևանքներ: «Սակայն սրան չի կարելի մոտենալ իրավական տեսանկյունից. իրավական կողմից ոչ մի կապ չկա, քանի որ սա սկզբից մինչև վերջ քաղաքական ակցիա է, որ կատարվեց երկու երկրների մեջ: Նման իրավիճակներում միշտ մեղավորներ են փնտրում, ու, որպես կանոն, դա դեսպանն է լինում: Եթե գործերը լավ են, ուրեմն լավ է աշխատել, և՝ հակառակը: Իհարկե, թերություններ եղել են, ու դիվանագետի, դեսպանի էությունը նրանումն է, որ ժամանակին հասկանա` ինչ է կատարվում, որ քո երկրի շահերը չոտնահարվեն»,ասաց նա: «Սա զուտ քաղաքական խնդիր է, որը բխում է մի քանի գործոններից. Ադրբեջանի ծրագրավորած գործն է, ըստ էության, առել է,այս քայլով Բելառուսի նախագահ Լուկաշենկոն ցույց տվեց իր վերաբերմունքը ՀԱՊԿ-ի նկատմամբ: Կարող ենք ասել, որ նա գտնվում է Եվրասիական տնտեսական միությունից դուրս գալու նախաշեմին, և իր քաղաքական ընթացքը տանում է հենց դրան: Սա հարված է հասցնում նաև Ռուսաստանին»,-ասաց նա: Նավասարդյանի կարծիքով` Բելառուսի հետ հարաբերությունները խզելը մեր շահերից չի բխում. «Պետք չէ դադարեցնել դիվանագիտական հարաբերությունները , քանի որ դա երկրների միջև իրականացվող լավ պրակտիկա չէ, դա արդեն ծայրահեղ պատերազմական գործողությունների շեմին տարվող քաղաքականություն է: Բացի անհատի խնդիրներից` գոյություն ունեն նաև պետական շահեր»: Լապշինի արտահանձնման հետ կապված՝ ո՛չ իրավական և ո՛չ բարոյական առումով արդարացում չգտնելով` Արման Նավասարդյանն առանձնացրեց մի քանի դեպքեր, երբ պետք է կատարվի արտահանձնում.