Ներգրավել Սփյուռքի ներուժը. նոր հանձնարարական

Կառավարության նիստում վարչապետ Կարեն Կարապետյանը հանձնարարեց ԱԳ և տնտեսական զարգացման նախարարներին` մեկշաբաթյա ժամկետում ձևավորել համատեղ աշխատանքային խումբ և ներկայացնել հստակ առաջարկություն արտերկրներում ՀՀ դեսպանների կողմից իրականացվելիք տնտեսական բնույթի աշխատանքների թիրախների մասին: Այնուհետև՝ վարչապետը Կրթության և գիտության ու Սփյուռքի նախարարություններին հանձնարարեց երկուամսյա ժամկետում մշակել համատեղ ծրագիր սփյուռքի կրթական խնդիրների լուծման աջակցության համար: ՀՀ մշակույթի, սպորրտի և երիտասարության և Սփյուռքի նախարարություններին հանձնարարվեց մեկամսյա ժամկետում համատեղ աշխատել ու հայապահպանության ծրագրեր ներկայացնել Սփյուռքի համար: «Մշակել ծրագիր՝ սփյուռքի կրթօջախների համար մասնագետների պատրաստման, երիտասարդության շրջանում մայրենի լեզվի ուսուցման մակադրակի բարձրացման, սփյուռքի կրթօջախների համար ուսուցիչների պատրաստման ու վերապատրաստման կազմակերպման, կրթօջախների համար նոր, այդ թվում՝ էլեկտրոնային դասագրքերի ուսումնական ծրագրերի մշակման, ինչպես նաև միջոցներ սփյուռքի գիտնականների և նրանց կազմակերպությունների ու Հայաստանի բուհական ու գիտական հաստատությունների միջև երկկողմանի համագործակցությունը խորացնելու և համակարգելու համար», - ասաց Կ. Կարապետյանը: