Ինչու է Ռուբեն Գևորգյանը լքել ԲՀԿ-ն
«Ցավով եմ դուրս եկել կուսակցությունից, որի անդամ եմ եղել 10 տարի: Հարազատ կուսակցությունից հեռանալու որոշումը պայմանավորված է ընտրություններում այդ քաղաքական ուժի՝ դաշինքով հանդես գալու որոշմամբ :Դաշինքի ստեղծումը խայտաբղետ վիճակ է։ ԲՀԿ-ի այսքան չարչարանքից հետո, առաջնորդի երկու տարվա սառնությունից հետո, երկու տարի չարչարվեցինք ու պահեցինք ԲՀԿ վարկանիշը, իսկ ընտրության շեմին ԲՀԿ-ն, կարծես թե, խաղից դուրս եկավ։ Իմ թիմի հետ ես կարող էի գնալ ընտրությունների», - ՀՀ ԱԺ ԲՀԿ խմբակցության պատգամավոր Ռուբեն Գևորգյանը լրագրողներին ասաց,թե ինչու է լքել «Բարգավաճ Հայաստան» կուսակցությունը: Նա ընդգծեց, որ ինքը ցավով է լքում մի կուսակցություն, որի անդամ է եղել 10 տարի։ Պատգամավորը նշեց, որ դեռևս ոչ մի կուսակցության հետ չի խոսել ու առաջարկ չի ստացել ընտրություններին մասնակցելու վերաբերյալ։ Ռ. Գևորգյանը նաև ընդգծեց, որ չնայած, որ ՀՀԿ-ն իրեն հոգեհարազատ կուսակցություն է համարում, բայց ՀՀԿ-ին միանալու հեռանկար ևս չկա.«1990-ականներից առ այսօր նժդեհական գաղափարախոսությունն իմ արյան մեջ է նստած։ ՀՀԿ-ն ինձ հոգեհարազատ կուսակցություն է, բայց հոգեհարազատ լինելն այլ բան է, խնդրել, որ ցուցակում լինես, այլ բան»:
Հետևեք մեզ Viber-ում
