Մենք դեռ կխաղարկենք Ղարաբաղի քարտը. Վենեդիկտով

Մենք դեռ կխաղարկենք Ղարաբաղի քարտը, այնպես, որ քիչ չի թվա։ Նման հայտարարություն է արել «Էխո Մոսկվիի» գլխավոր խմբագիր Ալեքսեյ Վենեդիկտովը։ «Եվ դա հենց այն է, ինչ տեսնում ենք այստեղ՝ հնարավորություն։ Թիկունքում ունենալով Օսիան, Աբխազիան, Ղրիմը, Դոնեցկը, Մերձդնեստրը, Ղարաբաղը... Մենք դեռ կխաղարկենք Ղարաբաղի քարտը, այնպես, որ քիչ չի թվա։ Թող Իլհամ Հեյդարովիչն իր թուրք ընկերների  հետ հիշի, որ մենք այնտեղ կարող ենք լարվածություն ստեղծել երբ որ ցանկանանք։ Մենք դեռ կխաղարկենք այդ քարտը, մեզ համար բացարձակ միեւնույնն է տեղի բնակչությունը, դուք դա կմոռանաք»,- ասել է Վենդիկտովը՝ նշելով, որ Ռուսաստանը իր հայրենասիրական, աշխարհաքաղաքական խնդիրները լուծում է նաեւ նման ճանապարհներով։ «Հնարավոր է։ Ես եւս մեկ անգամ եմ ասում, անգամ եթե 10 տոկոս հնարավորություն գոյություն ունի, դա լուրջ 10 տոկոս է, ծանրակշիռ։ Այդ պատճառով էլ ես ВВС-ի ֆիլմին այդքան թեթեւամտորեն չեմ վերաբերվում, թե գիտես քաղաքական ֆենտեզի է։ Ոչ, ես դրան շատ լուրջ եմ վերաբերվում»,- նշել է նա։