Ժիրինովսկին ծրագրում է որպես նախագահի թեկնածու առաջադրվել մեկ անգամ ևս

РИА Новости գործակալությունը գրում է  ,որ  Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին կարծում է, որ ՌԴ պետդումայի պատգամավորների թիվը կարելի է կրճատել մեկ երրորդով,  և  սա մեկնաբանել է նրանով, որ ներկայում Պետդումայի 450 պատգամավորները ոչ միշտ են հասցնում ելույթ ունենալ նիստերի ընթացքում: «Կարծում եմ 300-ը լիովին բավական է: Չէ որ շատերը չեն հասցնում ելույթ ունենալ: 5 տարի նստել և լռել. դա վնաս է առողջությանը», - հայտարարել է Ժիրինովսկին: Ժիրինովսկին, ով շաբաթ օրը վերընտրվել է առաջիկա 4 տարում կուսակցության նախագահ, հայտարարել է, որ ծրագրում է 2018 թվականին մասնակցել նախագահական ընտրություններին։ Այս մասին փոխանցում է RIA Novosti-ն։ «Ըստ ամենայնի, ես թեկնածու կլինեմ Լիբերալ-դեմոկրատական կուսակցությունից այդ ընտրություններին։ Դա կլինի արդեն 6-րդ անգամ։ Դա ռեկորդ է Եվրոպայի մասշտաբով»,-ասել է նա լրագրողներին Մոսկվայում, որտեղ անցկացվում է կուսակցության համագումարը։