Սպասում են «Ժառանգությանը» .Հրապարակ

Հրապարակը գրում է.Մեր տեղեկություններով՝ Սեյրան Օհանյան-Վարդան Օսկանյան-Վիկտոր Դալլաքյան-Արամ Սարգսյան դաշինքում այս օրերին վերջին ճշգրտումներն են արվում, ցուցակ են կազմում, շտաբի կազմակերպչական հարցեր լուծում։ Մեզ հասած տեղեկություններով՝ քննարկվում է դաշինքի շտաբի պետի պաշտոնում Անդրանիկ Թեւանյանի կամ Վիկտոր Դալլաքյանի թեկնածությունը։ Ինչ վերաբերում է ցուցակին, ապա այն գլխավորելու է պաշտպանության նախկին նախարար Սեյրան Օհանյանը, «Համախմբման» ղեկավար Վարդան Օսկանյանը, «Երրորդ հանրապետություն» կուսակցության ղեկավար Վիկտոր Դալլաքյանը, ԲՀԿ խմբակցության պատգամավոր Էլինար Վարդանյանը, եւ 5-րդ հորիզոնականում կլինի Դեմկուսից Արամ Գասպարի Սարգսյանը։ Սա այս պահին քննարկվող ցուցակն է, որը հնարավոր է փոփոխությունների ենթարկվի, քանի որ ձեւավորվող դաշինքը դեռ սպասում է «Ժառանգության» պատասխանին։ Ինչպես հայտնի է՝ Արմեն Մարտիրոսյանը բանակցությունների մեջ է ձեւավորվող դաշինքների հետ, հնարավոր է «Ժառանգության» չմասնակցելու դեպքում ինքն ընդգրկվի որեւէ դաշինքի ցուցակում։ Կախված «Ժառանգության» պատասխանից՝ ըստ այդմ կորոշվեն ցուցակի հաջորդ համարները, որոնք կլինեն Վահե Հովհաննիսյանը, Անդրանիկ Թեւանյանը, Երվանդ Բոզոյանը, խոսնակ Արեգնազ Մանուկյանը։ Այս դաշինքում ամեն ինչ պարզ կդառնա փետրվարի 10-ին, այս պահին քննարկվում է դաշինքի համագումար հրավիրելու հարցը, որի ժամանակ կներկայացնեն Սեյրան Օհանյանին, կորոշեն դաշինքի անունը, շտաբի աշխատանքների, ցուցակի հետ կապված այլ հարցեր։