«ՀՀԿ-ից արտահոսքն ավելի քիչ է, քան ներհոսքը». Շարմազանով
ՀՀԿ մամուլի խոսնակ Էդուարդ Շարմազանովը բնականոն գործընթաց է համարում Հովիկ Աբրահամյանի՝ կուսակցությունից դուրս գալուց հետո շարունակվող արտահոսքը: «Սա բնականոն գործընթաց է: ՀՀԿ-ն կենդանի օրգանիզմ է, որին և՛ անդամագրվում են, և՛ դուրս են գալիս, և՛ արտահոսք կա, և՛ ներհոսք կա, բայց դա անհամաչափ է, բնականաբար, արտահոսքը շատ ավելի քիչ է, քան՝ ներհոսքը», - ՀՀԿ ԳՄ նիստից հետո լրագրողների հետ զրույցում ասաց նա: Նա շնորհակալություն հայտնեց կուսակցությունը լքած գործիչներին` երկար տարիների աշխատանքի համար: «Մենք ունենք մեր ճանապարհը, նրանք իրենց ճանապարհն են ընտրել, դա իրենց որոշումն է, և մենք նրանց հաջողություն ենք մաղթում»,- հավելեց ԱԺ փոխնախագահը:
Հետևեք մեզ Viber-ում
