Ադրբեջանը հրաժարվել է ԼՂՀ գերի ընկած իր քաղաքացուց․ Դավիթ Բաբայան

Ըստ ԼՂՀ ՊԲ հաղորդագրության՝ հակառակորդը երեկ՝ 15:00-ի սահմաններում, Թալիշի ուղղությամբ հակառակորդը ձեռնարկել է հետախուզա-դիվերսիոն ներթափանցման փորձ:  Կազմակերպված հակադիվերսիոն գործողության արդյունքում՝ հայկական ուժերին հաջողվել է գերեվարել ադրբեջանական բանակի զինծառայող, 1995թ. Բարդա քաղաքում ծնված Էլնուր Հյուսեին Զադեին: Hayeli.am-ը փորձեց գերու ճակատագրի մասին տեղեկություն իմանալ, թե արդյոք ադրբեջանական իշխանությունները դիմե՞լ են արտահանձնման խնդրանքով․ «Գերին գտնվում է Արցախի իշխանությունների իրավասությունների ներքո, ներթափանցման փորձը ձեռնարկվել է Արցախի ուղղությամբ, ուստի թե՛գերու ճակատագրի եւ թե՛ արդյոք ինչ-որ միջնորդներ դիմել են արտահանձման համար, ճիշտ կլինի այդ հարով Արցախի իշխանություններին դիմել»,-ասաց ՀՀ ԱԳՆ մամուլի խոսնակ Տիգրան Բալայանը։ ԼՂՀ նախագահի մամուլի խոսնակ Դավիթ Բաբայանն էլ հստակեցրեց՝ Ադրբեջանն արդեն իսկ հրաժարվել է սեփական քաղաքացուց․ «Ադրբեջանն արդեն ահաբեկչություն է դրսեւորում սեփական ժողովրդի եւ քաղաքացիների նկատմամբ․ անմիջապես կարծես թե հրաժարվել են այդ մարդուց՝ հայտարարելով նրան զորացրված։ Արդեն իսկ հրաժարվում են նրանից, ինչը ահաբեկչություն է եւ անբարոյական քայլ, իսկ Արցախը քաղաքակիրթ երկիր է, մեր աշխարընկալմանը խորթ  է գերիներին  տանջանքի ենթարկելը, նրա կայնքին որեւէ վտանգ չի սպառնում, իսկ հեռագա զարգացումներին արդեն տեղյակ կլինեք»,-ասաց Դավիթ Բաբայանը։ Սեդա Ղուկասյան