Կառավարության որ քայլն է մտահոգիչ ԱՄՆ դեսպանի համար

«Դիմակայության 15-օրյա ժամանակահատվածի մեծ մասում հայ իրավապահները  կարողացան լավ հավասարակշռություն ապահովել բնակչության և դեպքի վայրի շուրջ անվտագության ապահովման հարցում՝ ապահովելով ՀՀ քաղաքացիների խաղաղ ցույցեր անկացնելու իրավունքը: Մեզ համար շատ մտահոգիչ էին հուլիսի 20-30-ին անզեն ցուցարարների ու լրագրողների նկատմամբ ոստիկանության կողմից ուժի անհամաչափ կիրառման մասին վստահելի հաղորդումները»,-Հայաստանում ԱՄՆ դեսպան Ռիչարդ Միլզը,լրագրողների հետ հանդիպմանն անդրադարձավ անցած տարվա հուլիսյան դեպքերին: «Թեպետ այդ օրվա  գործողությունների համար որոշ ոստիկաններ պատժվել են, սակայն ավելին կարող էր արվել և պետք է արվեր: Հուլիսի 29-ի լույս 30-ի գիշերը լուրջ հանցագործություններ են եղել և մեղավորները պետք է պատասխանատվության ենթարկվեն»,- ասաց դեսպանը: «Առավել մտահոգիչը  նախնական կալանքի օգտագործումն է կառավարության կողմից: ԱՄՆ-ի իրավական համակարգում այն ևս օգտագործվում է, բայց այն պետք է իրագործվի ծայրահեղ դեպքերում: Նախնական կալաքը պետք է ամուր և լիովին թափանցիկ իրավական հիմնավորում ունենա: Այն երբեք չպետք է գործածվի որպես ազատ խոսքի ու հանրահավաքների ազատության իրավունքի իրացումից քաղաքացիներին հետ պահելու պատժիչ գործիք»,- ընդգծեց Ռիչարդ Միլզը: