Ֆրանսիան այն երկիրն է, որը օրենքի ուժով ճանաչել է Հայոց ցեղասպանությունը. Նալբանդյան

ՀՀ արտաքին գործերի նախարար Էդվարդ Նալբանդյանը, պատասխանելով հարցին, թե Հայոց ցեղասպանության ժխտումը քրեականացնելու գործընթացի վրա ի՞նչ ազդեցություն կարող է ունենալ Ֆրանսիայի սահմանադրական դատարանի խորհրդի որոշումը, ասաց, որ կարևորում է այն հանգամանքը, որ Ֆրանսիայի բոլոր քաղաքական ուժերը միաձայն են և այլ կարծիք չունեն Հայոց ցեղասպանության ճանաչման և դատապարտման հարցում: «Կարևորն այն է, որ Ֆրանսիայի բոլոր քաղաքական ուժերն անխտիր միաձայն են և այլ կարծիք չունեն Հայոց ցեղասպանության ճանաչման և դատապարտման վերաբերյալ: Ֆրանսիան այն երկիրն է, որը համապատասխան օրենքի ուժով ճանաչել է Հայոց ցեղասպանությունը»,- նշել է նախարարը: