ՀՀ պաշպանության նախարարի պաշտոնը քաղաքացական պաշտոն է եղել. Մովսես Հակոբյան
ՀՀ ԶՈՒ գլխավոր շտաբի պետ Մովսես Հակոբյանը այսօր լրագրողների հետ զրույցում նշեց, որ ապրիլյան գործողությունները ևս մեկ քննություն էր, որտեղ Զինված ուժերն իր առաքելությունը կատարեց պատշաճ կերպով ևս մեկ անգամ ապացուցեց, որ ինքն ի վիճակ է, կարող է ապահովել մեր ժողովրդի անվտանգությունը:Նախագահական նստավայրում լրագրողների հետ զրույցում ՀՀ ԶՈՒ ԳՇ պետը, անդրադառնալով պատերազմի վերսկսման հավանականության վերաբերյալ հարցին, ընդգծեց. «ՀՀ-ն երբեք չի հայտարարել, որ պատրաստվում է պատերազմի, մենք ունենք այն հնարավորությունը, որ ցանկացած թիրախ, որը մեզ համար անհրաժեշտ կլինի խոցել Ադրբեջանի տարածքում, կարող ենք իրականացնել»: Հարցին, թե պատերազմ ունեցող երկրի համար նկատելի՞ է համարում, որ նախարարը քաղաքացիական անձ է նշանակված, քանի որ շատ բարձրացվեց այդ հարցը, Մովսես Հակոբյանն ասաց, որ ՀՀ պաշպանության նախարարի պաշտոնը քաղաքացական պաշտոն է եղել և նախկինում այդ պաշտոնին երեք անգամ զինվորական է նշանակվել, երեք անգամ քաղաքացիական անձ:
Հետևեք մեզ Viber-ում
