Այդ հեքիաթներին չհավատալ.Վիտալի Բալասանյանը Տեր-Պետրոսյանի հայտարարության մասին

Արցախի հերոս Վիտալի Բալասանյանը, «Եռաբլուր» զինվորական պանթեոնում լրագրողների հետ զրույցում, անդրադառնալով ղարաբաղա-ադրբեջանական գործընթացում  տեղի ունեցող իրադարձություններին և պատասխանելով դիտարկմանը, թե  բանակցային գործընթացի մասին խոսում է ՀՀ առաջին նախագահ Լևոն Տեր-Պետրոսյանը և պարբերաբար ակնարկում հայկական կողմի՝ հող հանձնելու մասին, ասաց. «Ուզում եմ ընդհանրապես այդ հեքիաթներին չհավատալ, ես ընդհանրապես չեմ ուզում լսել այն մարդկանց, ովքեր քաղաքական դիվիդենդներ են հավաքում, մանավանդ՝ Ղարաբաղի հարցում:  Ինձ համար դա շատ սարսափելի է, շատ վտանգավոր, և խորհուրդ կտայի  ընդհանրապես չլսել, չկարդալ նման տիպի մարդկանց կամ քաղաքական գործիչների հայտարարությունները»: