Աթոռակռիվ դեռ ՀՀԿ-ում կգնա.Տ. Կարապետյան
Ժողովրդական կուսակցության ղեկավար Տիգրան Կարապետյանը Հայելի ակումբում լրագրողների հետ հանդիպմանն անդրադարձավ Ծառուկյանի՝քաղաքականություն վերադառնալուն,ասաց. «Ծառուկյանը հզոր քաղաքական գործիչ է, հզոր կարողություններ ունի, դրանում ոչ մի խոսք, ես նկատի ունեմ և արած ուղին, ի վերջո բարերար է ոչ թե խոսքերով, այլ գործով»: Նա առաջիկա խորհրդարանական ընտրություններում բարձր է գնահատում Վարդան Օսկանյան-Սեյրան Օհանյան դաշինքի հնարավորությունները, որին ինքը միացել է: «Բարձր չեմ գնահատում Ելքի շանսերը, որովհետև մերը մեծ միավորում է, այն միայն անհատներից չի կառուցված, կուսակցականներ կան հետևում»,-ասաց նա: Ըստ նրա՝ ՀՀԿ-ն սովոր է մարդկանց օգտագործել ու հետո գցել, իսկ կուսակցությունից դուրս եկողները, այդ թվում նախկին վարչապետ Հովիկ Աբրահամյանը, չսապասեցին, որ օգտագործվեն, իրենք դուրս եկան. «Դե թող տեսնեն, որ իրենցից խելացի մարդ էլ կա: Աթոռակռիվ դեռ ՀՀԿ-ում կգնա, շատ մարդ դեռ դուրս կգա»,-եզրափակեց նա:
Հետևեք մեզ Viber-ում
